ساڵی نوێ‌

ستار ئه‌حمه‌د

 

 

من ساته‌كان رائه‌كێشم

رۆژه‌كان ده‌بنه‌ وه‌رزو

وه‌رزیش به‌ساڵ

جه‌سته‌م ورد ورد

وه‌كوو شه‌خته‌ ده‌شكێت و

عومرم ده‌بێ‌

به‌كۆی زووخاڵ

جگه‌ره‌یه‌كی ژه‌هراویت

له‌په‌نجه‌م جوێ‌ نابیته‌وه‌

سورده‌زانم

له‌نێو دوكه‌ڵی تۆو سه‌راب

ده‌بمه‌ سوتوو

رۆژێك ده‌بێ‌

جه‌سته‌ی رووتم

به‌بێ‌ شیعرو

په‌ڕه‌و پێنووس

ده‌خه‌نه‌ نێو

زامی خاك و

هه‌ناوی چاڵ

وه‌لێ‌ عه‌شقت

بزه‌و ئه‌شكت

له‌رۆحم جوێ‌ نابنه‌وه‌

ده‌بمه‌ ره‌هێڵه‌ی بارانێك

به‌سه‌ر خاك و

دوندی مه‌رگا

خوێنی لوتكه‌و

ژه‌نكی رۆژ و

ساڵه‌كانت ده‌پێچمه‌وه‌

وه‌كوو دوا چركه‌ی دابڕان

به‌ره‌و دورگه‌ی ئه‌وینداران

هه‌ڵئه‌كشێم

عومرێكی تر

وه‌رزێكی تر

بۆ عه‌شقی تۆو

ژوانێكی سه‌رساڵ ده‌ژێم

 

Qadirzada.com © 2009-2022. All rights reserved