|
| ||
|
| ||
|
وەرە دەستم بگرە سەدەیەکە من سەرمامە
وەرە دەستم بگرە سەدەیەکە من سەرمامە ، سەدەیەکە ڕوخسارم ڕایخی ماتەمە سەدەیەکە فرمێسکی گەش لە چاوانما میوانە، سەدەیەکە ئاە و نزا و هەنسکم تا کەشی که کشانە، وەرە دەستم بگرە، سەدەیەکە دەست کەلەپچە پێ لە کۆت و زەنجیرە، سەدەیەکە ئەم ژیانە ئەشکی خەم بە سەر پرچما دەرژێنێ قەفی زنجیری ئەم سەدەیە نە ساڵێکە و نە دەورانێک نە مردنەکە و نە ژیانێک تەنیا و تەنیا هەورە تریشقەی جەنگە لە سەر زستانی ئەم پیرە زمینە، سەدەیەکە فرمێسک خوێناو دڵ پڕ زوخاو، هاناسە بە پەتی چاوەڕوانی هاڵواسراو، . ئەستێرەکان ئەکشێن و هاوار ئەکەن، دەنگی شمشاڵەکان درۆیە، لێوەکان لێوی ئاڵی لاوان نیە، خەوی مناڵی و ئەوین لە یەک هەناسەدا وەک پۆلی باڵندەکان و چرکەکان کۆچ ئەکەن ، بەستەڵەکی دەڤەری ئەم سەدەیە فەنا بونە هاژەی ژانی زامەکانە؛ خەونی ئازادی نەخۆش و خەیاڵی بریقەدارە و تەمنیش ئارشیفێکی پر ناسۆر، .لەم سەدەیە ئاواتەکان لە خاچ ئەدرێن، ئەم سەدەیە شێتە شێت
ژوان فاروق کەریم
| ||
|
Qadirzada.com ©2009 - 2022. All rights reserved
| ||
