ئاگاداریەك لەوەزارەتی پەروەردەوە

بەڕێوبەرایەتی قوتابخانە و پەیمانگا  ناحکومیەکانی وەزارەتی پەروەردە، ئاگاداریەك ئاراستەی گشت قوتابخانە و پەیمانگا ناحکومیەکان دەکات و داوا دەکات داشکاندن لە کرێی خوێندن بکەن.

خاڵەکان بریتین لە:

١- داشکاندنی ۱۰٪ پەیوەندی نیە بەوەی نرخی خوێندنتان چۆن ڕاگەیاندووە لە سەرەتای ساڵەوە ، کێبرکێی نرخ ، یان هەستکردن بەبەرپرسیارێتی خۆتان وای کردبێت نرخی ئەمساڵتان لە ساڵی رابردوو جیاواز بێت یان کەمتر بێت ، ئەوە ناگەیەنێت کە ئەم داشکاندنە نەکەن .

٢- نابێت بە هیج خانەوادەیەك بوترێت کە منداڵی یەکەم شمولی داشکاندن دەکات و منداڵەکانی دیکەت شمول ناکات ، چونکە ئەمە پەیوەندی بە داشکاندنەوە نیە ، ئۆفەری ساڵانەی خۆتانە و ناچێتە خانەی داشکاندنەوە.

-٣ بەهیچ جۆرێك نابێت داوا لە مامۆستایانی ناحکومی بکرێت لەپای داشکاندنی نرخی خوێندن  هەمان رێژە لە موچەکانیان ببردرێت ، فەرمانی وەزاری رونە کە دەبێت موچەی مامۆستایان وەك خۆیان بدرێت .

٤-  پارەی نانخواردن و گواستنەوە بۆ سێ مانگی ئاماژە پێکراو بە روونی باسی لێوەکراوە ، پێویستە وەك خۆی جێبەجێ بکرێت .

بەڕێوبەرایەتیە گشتیەکانی پەروەردە لە پارێزگاکان و بەرێوبەرایەتی خوێندنی ناحکومی لەوەزارەت هەموو سەرپێچیەکان تۆمار دەکات و پاشان رێککاری پێویستی لەبارەوە دەگیرێتەبەر ، هەر بەڕێزێکیش رووبەروی ئەوە بوەوە مافی خۆی پێ نەدرێت دەتوانێت نامە بنێرێت بۆ ئەم ژمارانەی ڤایبر و واتس ئاپ ، کە ژووری ئەلیکترۆنی سکاڵای وەزارەتی پەروەردەیە.

07505103232

07505106262

07505106363

07505106464