كوێربوونه وه

ستار ئه حمه د

تا ئه‌و ده‌مه‌ی

دڵم پڕده‌بێ‌ له‌حه‌سره‌ت

ناخم لای تۆ ده‌هێڵمه‌وه‌

نه‌وه‌كوو ببم به‌حه‌رفێك

له‌سه‌رچوپَی وشه‌یه‌كدا

دێڕێك یان رسته‌یه‌ك

له‌ژانی ئۆخژنێكا كوێركه‌مه‌وه‌

ده‌چمه‌ سه‌ر ناونیشانی

ترۆپكی مه‌رگی خۆم

باوه‌ش له‌رۆحی تۆ ده‌ده‌م

تۆ بزانه‌

چۆن هۆن هۆن

چه‌شنی فرمێسك

له‌دیده‌تا ده‌مێنمه‌وه‌

كه‌بێزاربووی له‌شه‌قژنم

بمنێره‌ بۆ كوشتنی

یه‌كه‌م پیتی ناوی خۆم و

دواتر له‌ خۆمدا بمنێژه‌

مه‌مده‌ به‌سه‌ر ته‌رمی خۆما

ده‌زانی شه‌وی مردوان

چه‌ند درێژه‌