كۆچ

ستار ئه‌حمه‌د

ئه‌ی هاوسه‌ری ژیانم

به‌های عومری رابردووم

له‌و رۆژه‌وه‌ی كۆچت كرد

وای دانه‌ كه‌ من مردووم

شه‌وانه‌ وه‌ك ئه‌ستێره‌

ئه‌دره‌وشێ ی له‌ چاوانم

بۆ كوێ هه‌نگاوێك دانێم

تۆ به‌رابه‌ر ده‌زانم

له‌گه‌ڵ سووری كازیوه‌

سه‌ری وێڵت هه‌ڵده‌گری

راسته‌ له‌چاو وون ده‌بیت

به‌ڵام له‌ دڵما نامری

باری ژینم گرانه‌

كێ ده‌بێته‌ هاوبه‌شی

تۆ تابلۆی زامێك قووڵی

گوڵی خوێناوی گه‌شی

هه‌رگیز له‌ نێو خوێنمدا

ده‌رناچیت به‌ ئاسانی

ئه‌ستێره‌یه‌ك ببینم

ده‌توێمه‌وه‌ بۆ جوانی

سه‌راپا جه‌سته‌م تیشكه‌

به‌گڕ چێوه‌م ته‌نراوه‌

له‌و رۆژه‌وه‌ی جێت هێشتم

شه‌وو رۆژم گۆڕاوه‌