دیلی ئه‌وین

مانگم کردۆته‌ ئاوێنه

لێی ده‌ڕوانم هه‌موو شه‌وێ

به‌ ئومێدم ته‌نها جارێ

ڕوخساری تۆ تیا ده‌ر که‌وێ

به‌ڵام زوو مانگ ئاوا ده‌بێ و

دیسان شه‌به‌ق هه‌ڵ دێته‌وه

تۆ هه‌ر نایه‌ی کۆرپه‌ی دڵم

له‌ باوه‌شتا ژیر بێته‌وه

نه‌نیگایه‌کم پێ ماوه

به‌دوای تۆدا هه‌نگاو بنێم

نه‌ ئه‌جنۆم هێزی پێماوه

تاکو له‌ده‌ستی خه‌م هه‌ڵێم

تۆ به‌جۆرێ دیلت کردووم

له‌ سه‌ر ڕووی ئه‌م زه‌مێنه‌دا

نه‌ ئه‌وه‌تا خه‌م بمکوژێ

نه‌ده‌ستیشم به‌ تۆ بگا