كـوردستان

مامۆستا پاریز

   كوردستان خۆشه‌ سه‌وزه‌ڵانی یه‌

   له‌ هه‌ر شوێنێكدا مێرگ وكانی یه‌

   وه‌سفی قه‌ت ناکرێ به‌م ئاسانی یه‌

   به‌ دیهێنراوی خوای ڕه‌بانی یه‌

   بۆیه‌ هه‌ر بینیت دڵ حه‌یرانی یه‌

*  *  *      

    هه‌واكه‌ی خۆشه‌ له‌ ئێواران دا

    له‌ ژێر سێبه‌ری به‌رزه‌ داران دا

    ڕه‌نگینی به‌رگی له‌ به‌هاران دا

   یه‌ك بگری له‌ گه‌ڵ پۆلی یاران دا

   خودا چه‌ن خۆشه‌ ئه‌م سه‌یرانی یه

*  *  *   ‌

    ڕه‌بی وه‌ته‌نمان ئاوا ئاوا بێ

    چاكه‌و پیاوه‌تی له‌ به‌ر چاوا بێ

    دوژمنه‌كانی له‌ نێو داوا بێ

   خۆشی وئاره‌زوی هه‌ر له‌ ناوا بێ

    پایه‌دار بێت ئه‌م كامه‌رانی یه

‌