مامۆستایان لە شاری کەركوك نارەزایان دەربڕی

ئەمڕۆیەك شەممە لە باخچەی قەڵای شاری كەركوك . مامۆستایانی شاری كەركوك کۆبونەوە و پاڵپشتی خۆیان بۆ مامۆستایانی شارو شارۆچکەکانی تر دەبڕی. 

بەیانامەیەكیان ڕاگەیاند:

دوای ٢٩ساڵ لە حكومڕانی خۆماڵی تازە بە تازە دەیانەوێت بە ناوی كوردایەتیەوە قوت و نانی منداڵەكانمان ببڕن و مەرگی ئازیزانمان بە چاوی خۆمان ببیین، هەر بۆیە لێرەوە لە كەركوكی چەندجار فراشراوەوە دەنگی ناڕەزایەتی خۆمان بەرز دەكەینەوە، دەسەڵاتداریی هەرێم ئاگادار دەكەینەوە كە ژیان و گوزەرانی خەڵكی كوردستان لە ئەستۆی ئێوەیە، وە پێویستە بە ئەمانەتەوە بڕۆنە ژێر باری ئەو بەرپرسیارێتەوە و ئەم میللەتە لەم قەیران و نەهامتیە ڕزگار بكەن.

پاڵپشتی خۆمان بۆ هەموو ئەو دڵسۆزانەی شار و شارۆچكەكانی كوردستان ڕادەگەیەنین كە بۆ ناڕەزایەتی دێنە سەر شەقام، وە داوا لە دەسەڵاتدارانی هەرێم دەكەین كە نابێت بە هیچ شێوەیەك دژ بە ڕێپوان و خۆپیشاندان بوەستنەوە، وەك ئەوەی لە دهۆك ڕوویدا كە زۆر ناشارستانی و دوور لە هەموو مافەكانی مرۆڤ بەرامبەر بە مامۆستایان وەستانەوە.

مامۆستایان داواكاریەكانیان خستەڕوو:

١- دابینكردنی مووچەكانمان مانگانە لە كاتی خۆیدا.

٢- گواستنەوەی ڕاژای مامۆستایان و فەرمانبەرانی كورد بۆسەر حكومەتی عێراق.

٣- تەرخانكردنی بڕێك لە پارەی پترۆ دۆلار بۆ مامۆستایانی خوێندی كوردی.

٤- بڕینی ئەو بەشە بوجەیەی مامۆستایان لە كۆی ئەو بوجەی بۆ هەرێم دەنێردێت و لە كەركوك دابەش بكرێت.