فس فس پاڵه‌وان

کوردستانم به‌هه‌شتێکه‌ پڕ له‌ کانزا و خێر و بێره‌

خوا هه‌موو شتی پێداوه‌ یه‌ک شت نه‌بێ،نمه‌ک سوێره‌

هه‌ر غه‌ریبێکی لێقه‌وماو

له‌به‌ر دزی له‌ وڵاتی خۆی ده‌رکراو

که‌ ته‌شریف دێنێ بۆئێره

چاک ده‌زانێ ئه‌م وڵاته‌ جێگای پیاوی مه‌ردو شێره‌

خۆمان ده‌که‌ین به‌ کۆڵبه‌رو ئه‌ویش سه‌پان

ئه‌و ده‌که‌ین به‌ خاوه‌ن وڵات خۆمان میوان

جه‌نابی که‌ ده‌ڕواته‌وه‌ ده‌گاته‌ ناو خاکی خۆیان

ڕووی لووله‌ی تفه‌نگ ده‌کاته‌  خاکی پیرۆزی کوردستان

یه‌کسه‌ر یاخی ده‌بێ لێمان ده‌بێته‌ فس فس پاڵه‌وان

ده‌رباز جه‌مال

١٦/١١/٢٠١٢

ئەم هۆنراوەیەی بەڕێز دەرباز جەمال لەسەرئەم بارو دۆخەی ئێستای کوردستانە ،کەناحەزانی گەلەکەمان چاویان بەو ئازادیەی کوردستان هەڵنایەت، ئەو نمەك بەحەرامانە دەیانەوێت ئەو ئازادیەکەی باشوری کوردستان لە ناوبەرن