تەندروستی سلێمانی چەند رێنماییەك لەبارەی بەکارهێنانی ماسکەوە

 

 

 

بەڕێوەبەرایەتی تەندروستی سلێمانی ، چەند رێنماییەك لەبارەی بەکارهێنانی ماسکەوە بڵاو کردەوە،

 

دەقی رێنماییەکانی تەندروستی لەبارەی بەکارهێنانی ماسك:

 

١. ئەگەر چویە شوێنی قەرەباڵغ ، داخراو یان نزیک بوویەوە لەکەسێك لەدەرەوەی ماڵ ، پێویستە ماسك یان دەمامکی دەستکرد بەکاربهێنیت.

 

٢. ماسك بەبێ دەست شووشتن و ڕاگرتنی دووری نێوان خۆت و بەرامبەرت ، ناتپارێزێت ، ئاگاداربە

 

٣. لەکاتی قسەکردن نابێ ماسك لاببەیت ،یان بیهێنیتە خوارەوە .لەکاتی قسەکردن مەترسی بڵاوکردنەوەی ڤایرۆسەکە زیاترە.

 

٤. ماسك یان دەمامك دەبێت ،دەم و لووتت دابپۆشێت نابێت تەنها لەسەر دەمت بێت و لووت بەدەرەوە بێت.

 

٥. ئەگەر ناساغ بوویت ، کۆکەت هەبوو ،پژمینت هەبوو ، تات هەبوو پێویستە ماسك ببەستیت.

 

٦. لەو کاتانە پێویستت بە ماسك نی یە ، نابێت ماسك ببەستی:-

 

a. ئەگەر بەتەنها ناو ئوتومبێڵ بوویت ، پێویستت بەماسك نیە

b. لەکاتی وەرزشکردن

c. ئەگەر لەدەرەوە بەتەنها بوویت ، پیاسەت دەکرد یان دانیشتبوویت ،دوور لە خەڵك

d. ئەگەر کارێکی قورس دەکەی کە هەناسەت پێ سوار دەبێت ، نابێت ماسك ببەست.

 

 بەڕێوەبەرایەتی تەندروستی سلێمانی

Qadirzada.com ©2009 - 2020. All rights reserved