دایك  و باوك

 

شاعیری گه‌وره‌    :   عه‌بدولسه‌تار نورعه‌لی

 له‌ عه‌ره‌بییه‌وه‌   :   ئه‌حمه‌د ره‌جه‌ب      

دایكم  كه‌

له‌سه‌ر لێوانم

دره‌وشاوه‌ترین میوه‌و (1)

مه‌زنترین وێنه‌ی چاند و (2)

له‌ سه‌ر دڵمدا

به‌ ئه‌ڵماس ، به‌ چاوان ، به‌ خۆر مۆرى كرد

ئای چه‌ند تامه‌زروی نانێكم  ئه‌و هه‌ویره‌كه‌ی شێلا بێت (3)

به‌ خوشه‌ویستی به‌ روح .                         

هیچ نه‌ماوه‌ به‌ یه‌ك بگه‌ێن

له‌ سێبه‌ری سێبه‌ر له سێبه‌ره‌كه‌یدا.

* * *

باوكم كه‌شیده‌ی (4) له‌ سه‌ر ده‌كردو،

       قورئان و سونه‌ت وفیقه و،

مێژووی هه‌موو پێغه‌مبه‌ره‌كانی  له‌ به‌ر ده‌كرد ،

هه‌موو خه‌ڵكی خوش ده‌ویست : خواپه‌رست ولاساره‌كان(5)

هه‌مووخه‌ڵك خوشیان ده‌ویست

ژیانێك ، (6)

ساخته‌كاری و  

فێڵ و، دورویی نازانێت

ئه‌وه‌ باوكمه

له‌ راستگوێیدا وه‌ك شه‌مشێر،   

هێشتا (7) ده‌چه‌قێته‌

سنگی فێڵبازه‌ خراپه‌كان .       

* * *

ئه‌و روژه‌ی دایكم

له‌ ناو هه‌موو ژناندا شانازی ده‌كرد

كه‌ من یه‌كه‌م بووم له‌ پولدا

له‌ ناو سێنگی      

كونسێرتی  ئاوازه‌كان

ده‌ستێپێكرد.

* * *                                     

ئه‌و روژه‌ی باوكم

چووه‌ سه‌ر مینبه‌ری ئایاته‌كان

چاوه‌كانم كرانه‌وه‌

پێشوازی له‌

باڵه‌ پاكه‌كان كرد

* * *                                                              

سوپاس ، خوایه‌ ، من

له‌ سه‌ر رێی ئه‌م  ئاڵانه‌م (8)

* * *

( نامه‌) :

روژێكیان:         " هاورێ باشه‌كه‌مان هه‌مزاتوڤ (9)

وتی باشترین تراكتور

له‌ قوری ئاسایی دروست ده‌كرێت و

نایابترین هه‌ڵبه‌ست

له‌ وشه‌ی ساده‌ پێكدێت ".

ئه‌ی هاورێی ساده‌م و پر له‌ هه‌ست و

ئه‌ی سرودی دێی ده‌رگا كراوه‌كان و،

ئه‌ی هاورێی زه‌مانی ( روناكی) چاوه‌كانم

ئه‌سته‌غفرو الله.

باسی نایاب بوون له‌ شیعره‌كانماندا ناكه‌ین

چونكه‌ ساده‌یه‌ وه‌ك ساده‌یی باوكم و،

پاك و خاوێنه‌ وه‌ك  دلسافي دايكم (10) و ،

ئازاكانی دانیشتوی باب ئه‌لشێخ و ،

سه‌درییه‌و، (11)

خێوه‌تێك  داره‌كانی ئاماده‌كراون. (12)

تێبینی و روونكردنه‌وه‌:

(1)    و

(2)    خۆشه‌ویستی دایك وباوك كه‌ منبان هیناوه‌ته‌ ژیان، واته‌ دربرینی خۆشه‌ویستی بۆ به‌رهه‌مه‌كه‌یان.

(3)    نووساوه‌ به‌ ده‌نه‌كن ( پراسووه‌كانی) شێلواو بێت.

(4)    مێزه‌ر یان ئه‌و په‌رۆیه له‌ سه‌ر مه‌لاكان ده‌رده‌كه‌وێت.

(5)    كه‌سانی دوور له‌ خواپه‌رستی.

(6)    بیۆگرافی.

(7)    نابرێته‌وه‌، ‌ به‌رده‌وام ، به‌ بێ كۆتاه.

(8)    له‌ سه‌ر رێچكه‌ی دایك و باوك.

(9)    ره‌سوڵ هه‌مزاتۆڤ { 1923 ــ 2003} ، خاوه‌نی به‌رهه‌مێكی زۆره‌و، براوه‌ی چه‌ندین خه‌ڵاته و ، باشترین شاعیری سه‌ده‌ی رابردوو ببوو.

(10)  به‌و ئافره‌تانه‌ ده‌وترێت كه‌ پاكن یان سۆزیان به‌لای ئاینه‌وه‌یه‌ و، لێره‌دا من دایكم به‌كارهێناوه‌.

(11)  ‌باب ئه‌اشیخ و سه‌درییه‌: دوو گه‌ره‌كی سه‌ر شه‌قامی ئه‌لكیفاحه‌و، زوربه‌ی دانیشتوانیان كوردن ه‌، به‌ ئازایه‌تی ناسراون.

(12)  بۆ سوتاندن و پێشوازی كردن.

 

 

129/12/2021

 

 

Qadirzada.com ©2009 - 2021. All rights reserved