نه‌وه‌ی خێرخوازان

 

ستار ئه‌حمه‌د عه‌بدولڕه‌حمان

 

نووری  یه‌زدانه‌ دونیای خرۆشان

بۆكۆچی  حوسه‌ین كه‌وتمه‌ گوڵ وه‌شان

گوڵ له‌بانی گوڵ رازاوه‌ی ژیانه‌

نه‌وه‌ی عه‌لی یه‌ چرۆی نێو گیانه‌

به‌یادی ئه‌وان له‌زیكرو فیكرام

خوێنیان وننابێ‌ بووه‌ته‌ په‌یام

به‌تیشكی بیریان  ئه‌مڕۆ رۆژهه‌ڵات

كوانێ‌ حه‌سه‌نم بڵێن چی لێهات

به‌و ژه‌هره‌ی رۆحی فڕی بۆئاسمان

ئه‌مڕۆ سه‌ركه‌وتن ئه‌داته‌ ده‌ستمان

هه‌ر ئه‌هلی به‌یت بوون جوان تێده‌كۆشان

هه‌تا به‌پاكی سه‌فه‌ركه‌ین له‌ژیان

ژینی دونیایی لانك و تابووته‌ 

دوو ده‌ستی خاڵی و جه‌سته‌یه‌ك رووته‌

گه‌ر پاكیزه‌یی رۆژگار نه‌مێنێ‌

شه‌ڕو شه‌ڕخوازی ناخ ده‌سووتێنێ‌

له‌سه‌ر مه‌زرایان گوڵزار بڕوێنن

هیمه‌تی به‌رزیان هه‌رده‌م ده‌مێنن

لێده‌ن بادڵتان لێدانی زوڵمبێ‌

یارانی خواتان له‌ مێشك و دڵبێ‌

وه‌ك سۆفی حاڵێك جه‌رگمی ته‌نیوه‌

تارای میحرابم به‌پرچ چنیوه‌

له‌رێگای خوداو بۆ پیاوچاكانم

شیله‌یه‌ك له‌نووررۆحی بزوانم

كلیلی ده‌رگای به‌هه‌شتم عه‌لی

رابه‌ری رێگای خێرخوازان عه‌لی

شێری شه‌هیدم حوسه‌ینی شیرپاك

جه‌رگی فاتیمه‌ی نووری خودای تاك

چۆن بگریم به‌سه‌ر نه‌مامی عومرم

كۆڕ بۆشه‌هیدی دوودنیا ده‌گرم

 

Qadirzada.com © 2016. All rights reserved