| ||
|
||
هەرەس
ماچێك لەدەروونما توایەوە پارچەیەك رۆحمی هەلگرت و لەروومەتتا نەخشەی زام و مۆری تاوانێكی دانا نیگات توورەو چاوانت رقی لێباری زویربوون و ماڵاوایی كردە دیاری لەو ساتەوە بوویتە تنۆكێك بزربوون بەگەلای شیعرەوە نووسای لەكوێ وشەیەك رامووسم بۆنی گللەیی و تۆ لەئاورنگی بەزەییدا هەرەس بەپینووسم دینن لاپەرەیەك دەروونیم بۆ ناكاتەوە هەلبەستیك پەنجەكانم ناناسێ عەشق ئەنگوستی غەدر بۆ چاوانم رادەكێشێ جێژوانمان نەفرەت بەباڵام دەدوورێ دل و ناخ و بیر و ویژدانم لێم نابوورێ ئێستا تۆ سەرزەنشتی ماچێك دەكەی رۆحی تینوومی پاراو كرد دەزانم لەدوورەوە چەمۆڵەی خۆم و شیعرو ئەوینداران دەنێی منیش دەم و پەنجەو دەستم قەڵەم و چەندە شیعرمە زویر بوونەو دڵنەواییم نادەنەوە تەنیایی و غوربەت پرسیاری تۆو كووچەو شەقامم لێدەكەن ئەو ماچەی من .. چ ژەهرێ بوو نەخشەی برینێكی قووڵی لەسەر روومەتی تۆ هەڵكەن ستار ئەحمەد
|
||
Qadirzada.com © 2009-2022. All rights reserved
|
||