| ||
|
||
لهسهر خۆپیشاندانهكان لاهور شێخ جهنگی پهیامێكی راگهیاند
لاهور شێخ جهنگی پهیامێكی لهسهر دۆخی ههرێمی كوردستان بڵاوكردهوهو رایگهیاند:
دەقی پەیامەكەی لاهور شێخ جەنگی: كۆمەڵانی بەشەرەفی خەڵكی كوردستان هاوڵاتیان و هاونیشتمانیانی خەمخۆر و بەپەرۆش بۆ چاكسازی و ژیانێكی باشتر
لەگەڵ بەرەو پێشچونی ئەو رووداوە نەخوازراوانەی ئەم دواییەدا، كەسەرجەمیان بەهۆی هەڵەی حكومڕانیەوە بوون. دەنگی خۆمان دەخەینە پاڵ داوا رەواكانی خەڵك و لێرەوە ئێمە خۆمان بە پشتیوانی داوا رەواكانی خەڵكی وڵاتەكەمان دەزانین لە پێناو باشتر كردنی دۆخی گوزەران و حوكمڕانیەكی شایستە بەم گەلە، بەڵام هاوكات لەگەڵ ئەمەدا داواكارین كە خۆپیشاندانەكان بەئاڕاستەی هەڵەدا نەبرێن و پشێوی لێنەكەوێتەوە و دۆخی ئاسایش و ژیانی هاوڵاتیان نەكەوێتە مەترسیەوە..
پاراستنی دامودەزگا مەدەنی و حكومیەكان و بارەگاكان ئەركی هەموو لایەكمانە و نابێت بەهیچ جۆرێك پەنا بۆ سوتاندن و توندوتیژی ببرێت، لێرەوە داوا دەكەین كەخەڵك خۆیان لە ئاژاوەنانەوە بپارێزن، چونكە ئەمە دەبێتە بەلاڕێدا بردنی داوا رەواكانیان و رێگر دەبێت لەهەر چاكسازی و بونیادنانێك لە وڵاتدا. ئێمەش بەهەموو شێوەیەك رێگر دەبین لە هەر دەستێك بۆ نانەوەی پشێوی و كاولكاریەك لە وڵاتدا..
پێكەوە بەرەو ئایندەیەكی گەش و حكومڕانیەكی شایستە بەگەل، پێكەوە بۆ دژایەتی هەر توند و تیژی و كێشەنانەوەیەك كە زیان لە داوا رەواكانی خەڵك بدات..
لاهور شێخ جەنگ بەڕێوەبەری ئاژانسی پاراستن وزانیاری / زانیاری
|
||
Qadirzada.com © 2017. All rights reserved
|
||