| ||
|
||
پەیامی پیرۆزبایی کۆسرەت رەسوڵ بەبۆنەی جەژنی رەمەزان
جێگری سکرتێری گشتی یەکێتی نیشتمانی کوردستان پیرۆزبایی جەژنی رەمەزان لە موسوڵمانان دەکات.
دەقی پیرۆزبایەکەی کۆسرەت ڕەسول:
بە بۆنەی هاتنەوەی جەژنی ڕەمەزانی پیرۆز، گەرمترین پیرۆزبایی لە گشت موسڵمانانی جیهان بەگشتی و كوردستان و كەسوكاری سەربەرزی شەهیدان و پێشمەرگە قارەمانەكان و تێكۆشەرانی ڕێگای دیموكراسی و ئازادی بە تایبەتی دەكەم.
لەم جەژنە پیرۆزەدا، كە جەژنی ئاشتەوایی و تەبایی و گیانی یەكتر قبوڵكردنە، هیواخوازم هەموو لایەكمان بەگیانی لێپرسراویەتی نیشتمانیەوە دەستی ئاشتی و تەبایی و یەكڕیزی بۆ یەكتر درێژ بكەین و ململانێكانمان وەلابنێین و كۆتایی بەگرژی نێوانمان بهێنین و پێكەوە هەنگاو بنێین و دەستی برایەتی و تەبایی بۆ یەكتر درێژ بكەین و هەرچی زووە كێشەكانی هەرێمی كوردستان و كەركووك و ناوچە كوردستانییەكانی دەرەوەی ئیدارەی هەرێم دەست لەناو دەست و بەیەك تیم چارەسەر بكەین.
جارێكی تر جەژنە پیرۆزە لە هەموو لایەك دەكەم و هیواخوازم خوای گەورە تاعەت و عیبادەتی هەموو لایەكمانی قبوڵ كردبێ.
كۆسرەت ڕەسول عەلی جێگری سكرتێری گشتی یەكێتی نیشتمانی كوردستان ٣/٦/٢٠١٩
|
||
Qadirzada.com ©2009 - 2019. All rights reserved
|
||