| ||
شکۆفەی شەونمی بەیانیەک
کهژاڵ ئیبراهیم خدر ١ لەبەردەم کاروانی وێنەی گەڵازەردەکانی رۆحما بروسکەی وەرزی ساڵانەی خەوێکی قووڵی شەوەزەنگی ملوانەکەی سەرسنگم یادگاری خەیاڵەو وەک دەنکە هەنار هەڵدەوەرێ ٢ نامۆیی کازیوەی گوڵێکی رەنگاو رەنگەو وەرزێکی پڕ لەکڕێوەی بەفرەو چاوەکانم بارانی مەستی و پرشنگی خونچەی شەونمی بەیانیەک گۆرانی شەڵاڵی سەفەری شەوی کزەبایەو سەفەری تەمەنیش گوڵێکی سەرگەردانە ٣ هەژاری بەردەوام رێژنەی سەمفۆنیای کانیاوێکی بەخوڕەو تەنهایی کەمانی دڵی خۆی دەنوسێتەوە هەڵوەرینی تریفەی ورشەی گەڵاکان دەبینێت پیاوێکە خوڕەی روبارێکی مەنگە و کەوتۆتە بێ هیوای ژیانەوە ٤ هەژاری خۆشەویستی دیمەنی کۆڵانەکانی دڵی خستۆتە دەسڕەکەی بەردەمی چاوەرێی بەزەیی گوناهی خۆی دەکات ویژدانیش ئاسمانێکە وەکوو ژنێک قژی خۆی دەڕنێت و بەرهەمی درەختی خۆی دەخوات ٥ ئەمجارەش نمەی غەریبی سەفەری باڕێژەی گریانم گۆمی مەنگێکی لێڵەو تەمێکی ساردو سڕە ئەوەندەی شکۆفەی خەونی کازیوەی بینیووە چوومە تەمێکی ئاسۆیەکی تەڵخەوە ٦ نیشتمانی پەلکەزێڕینە کوانێ خەونی شعری داهاتووی ژنێتیم هەرشمشێرە شەڕدەکا روباری ئازادییە جەستەی من ووشک دەکا ٧ شەو تارای مەمکێکی جوانە دەبێتە بەرسیلەی بەفرو گوناهەکانی دەسڕێتەوە ماتەمێکە بۆزستانی خەموو دەستی تۆش فرمێسکی ئازارم دەسڕێ نایەڵێ بەخوێنی جەستەم سوربێ ٨ گەر شەپۆلەکانی دەریا دەنگی ئازادیم نەمرێنێ لەلوتکەی سپی شعرێکا خوێنی لاوانی نیشتمانەکەم دەڕژێ بەسەر لاپەڕەی رێگای خەباتا ئەوسا گوڵەکانی باخی دڵی تۆ سوور سور ئەچنەوە لەناو ئاواتا ٩ من شەوی تەنهایی خەمەکانم رادەژێنێ چەپکێک نێرگز لەپرشنگی هەتاو گوڵێکی نوێم بۆدەچنێ لەنێو تاڤگەی یادگاریەکانی بێ هیوای گوڵی ووشەم دەبێت بەقژی بەهارو هەڵبەستێ
|
||
Qadirzada.com © 2009-2022. All rights reserved
| ||