ئه‌و گروپانه‌ی شانبه‌شانی سوپای تورك له‌ عه‌فرین شه‌ڕ ده‌كه‌ن

 

له‌ ماوه‌ی حه‌وت ساڵه‌ی قه‌یرانی سوریادا چه‌ندین گۆڕانكاری له‌ مه‌یدانی سیاسی و جه‌نگی ئه‌و وڵاته‌دا رووی داوه‌، گروپه‌ چه‌كداره‌كان هه‌رجاره‌و مه‌یلیان بۆ لایه‌نێك و وڵاتیك هه‌یه‌، به‌ڵام چه‌ند هێزێكی كه‌م توانویانه‌ به‌رگری له‌ ناو و په‌یكه‌ری خۆیان بكه‌ن.

 

 له‌ باكوری سوریا  هێزێكی كه‌م هه‌یه‌ خۆیان ناو ناوه‌ سوپای ئازاد، ئه‌م هێزه‌ دوای ئه‌وه‌ی كه‌ ویلایه‌ته‌ یه‌كگرتوه‌كانی ئه‌مریكا و وڵاتانی كه‌نداو هاوكاره‌ سه‌ربازییه‌كانیان ڕاگرتن، توركیا بۆ مه‌به‌ستی خۆی و دژایه‌تی هێزه‌ كوردییه‌كان هاوكاری سه‌ربازی كردن.

 

 له‌م ڕاپۆرته‌دا باس له‌و گروپه‌ توندره‌وانه‌ ده‌كه‌ین كه‌ له‌ ئۆپراسیۆنی ( چڵه‌ زه‌یتون)ی سوپای توركیادا دژ به‌ هێزه‌كانی سوریای دیموكرات ده‌جه‌نگن و ده‌یانه‌وێت كانتۆنی عه‌فرین له‌ رۆژئاوای كوردستان داگیر بكه‌ن:

 

١- لوای سوڵتان موراد:

 

ئه‌م گروپه‌ توركیا دروستیكردووه‌ و هه‌موو هاوكاریه‌كی مادی و سه‌ربازی و لۆجستی پێشكه‌ش كردوون، ئه‌م گروپه‌ به‌هۆی یه‌ك گرتنه‌وه‌ی لیوای (سوڵتان محمد فاتح)  له‌ ریفی حه‌له‌ب و ( لیوای ئه‌شبال عه‌قیده‌) و لیوای ( زكی توركمانی ) دروستبووه‌ .

 

ئه‌م هێزه‌ چه‌كداره‌كانی زۆرینه‌ی توركمانن له‌ ریفی باكوری حه‌له‌ب و شاری حه‌له‌ب  بوونیان هه‌یه‌ و ئێستا له‌ پاڵ سوپای توركیادا ده‌جه‌نگن.

 

٢-فیرقه‌ی حه‌مزه‌:

 

 ئه‌م هێزه‌ توركیا راهێنانی پێكردوون و له‌ مانگی نیسانی ٢٠١٦ پێكهێنراوه‌، ئه‌م گروپه‌ش لیوای سه‌مه‌رقه‌ندی توركمانی په‌یوه‌ندی پێوه‌ كردن و ئێستا هێزێكن كه‌ بۆ به‌رژه‌وه‌ندی توركیا ده‌جه‌نگن و له‌ ساڵی ٢٠١٧دا به‌ هاوكاری سوپای توركیا شاری جه‌رابلوسیان داگیر كرد.

 

٣-فه‌یله‌قی شام:

 

ئه‌م گروپه‌ به‌ فه‌یله‌قی حومسیش ناسراوه‌، له‌ ئازاری ٢٠١٤ پێكهێنراون، كه‌ له‌ ئه‌نجامی ١٩گروپی ئیسلامی نزیك له‌ ئیخوان موسلیمینی سوریا له‌ حومس و حه‌له‌ب حه‌ما دروست بووه‌، ئه‌م گروپه‌ له‌ ٢٦ی نیسانی ٢٠١٥ په‌یوه‌ندیان به‌ فه‌یله‌قی شامه‌وه‌ كرد و ژووری ئۆپراسیۆنی ( فتح حلب) یان به‌ سه‌رۆكایه‌تی یاسر عبدالرحیم  پێكهێنا.

 

٤ – بزوتنه‌وه‌ی نوره‌ددین زه‌نگی:

 

به‌ یه‌كێك له‌و گروپانه‌ داده‌نرێت كه‌ توركیا پالپشتیان ده‌كات و له‌ كۆتاییه‌كانی ساڵی  به‌ سه‌رۆكایه‌تی تۆفیق شه‌هابه‌ددین ٢٠١١ دروست بوون،ئه‌م گروپه‌ توندره‌ون و له‌سالی ٢٠١٦دا گرته‌یه‌كی ڤیدیۆیان بڵاو كرده‌وه‌ كه‌ منداڵێكی ١٥ ساڵان سه‌رده‌برن، ئه‌مم گروپه‌ له‌گه‌ل فه‌یله‌قی شام ناكۆكیه‌كانی وه‌لا ناو هاوپه‌یمانێتیه‌كیان پێكهێنا.

 

 ٥ - بزووتنه‌وه‌ی ئازادی شام ( احرار الشام):

 

ئه‌م گروپه‌ بیروبۆچونیان سه‌له‌فیه‌و له‌ سه‌ره‌تای شۆرشی سوریادا له‌ ئه‌نجامی یه‌كگرتنی ( ( كەتائیبی ئەحرا شام و حركە الفجر الاسلامیە و الطلیعە الاسلامیە و كتائیب الایمان)ه‌وه‌  دروست بوون.

 ئه‌م گروپه‌ پشت به‌ هاوكاریه‌كانی توركیاو ولاتانی كه‌نداوی عه‌ره‌بی ده‌به‌ستن ، دوای كوژرانی سه‌ركرده‌كه‌یان ورده‌ ورده‌ توان و ژماری ئه‌ندامیان كه‌م بووه‌.

 

٦- لوای بازی چیا ( لواء صقور الجبل):

 

ئه‌م گروپه‌ له‌ شاری ئیدلب پێكهێنراوه‌ كه‌ له‌ر استیدا به‌شێكن له‌ لیوای نه‌وه‌كانی پێغه‌مبه‌ر و پاشان په‌یوه‌ندیان به‌ به‌ره‌ی شۆرشی سوریاوه‌ كرد، ئه‌م گروپه‌ چالاكیه‌كان له‌ ئیدلب ووه‌، به‌لام دواتر نوسره‌ هاتو له‌وێ ده‌ری كردن

به‌ره‌ی شام: ئه‌م گروپه‌ له‌ چه‌ند لایه‌نێكی چه‌كداری سه‌له‌فی پێكهاتوه‌ كه‌ چه‌كداره‌كانی ( نورەددین زەنگی ، لواء التوحید، جیش المجاهدین، الجبهە الاسلامیە، تجمع فاستقم كا امرت، جبهە الاصالە و التنمیە و بقایە حركە حزم)ن.

 

٧ - جیش النصر:

 

كۆمه‌ڵێك چه‌كداری كه‌من  كه‌  له‌ ریفی حه‌له‌ب  و حه‌ماو لازقیه‌ بڵاوبۆونه‌ته‌وه‌ و هه‌موویان له‌ گروپێكدا به‌ ناوی ( الجیش النصر) كۆبوونه‌ته‌وه‌.

 

 

PUKmedia  گۆران قادر

سه‌رچاوه‌ BBC

 

 

Qadirzada.com © 2018. All rights reserved