تەڤگەری ئازادیی داوای سەربەستکردنی زیندانیانی دهۆک دەکات

تەڤگەری ئازادیی کۆمەڵگەی کوردستان داوای سەربەستکردنی تەواوی زیدانیانی دهۆک دەکات

دەقی ڕاگەیەندراوەکەی تەڤگەری ئازادیی کۆمەڵگەی کوردستان:

پارێزگاری دھۆک بۆ ئەوەی بڵێت ھاوڵاتیان ناڕازی نین و ئەمە ھێزە سیاسییەکانن دەستێوەردان دەکەن، وەک بەرپرسێکی سەربازیی حزبیی پەنجەی تۆمەت بۆ تەڤگەری ئازادیی ڕادەکێشێت.

کە داکۆکییکردن لە مامۆستایان و تەواوی گەلی کورد بە ئەرکی لە پێشینەی خۆیان دەزانن و ھیچ کەسێکیش مافی نییە بە ناڕەزاییەکانی بادینان بڵێت ئاژاوەگێڕی.

ھەرچی زووە زیندانیان سەربەست بکرێن و چیتر داوا کردنی قوتی ژیان نەبێتە ھۆی سزادان، بە پێویستیشی دەزانێت دەسەڵاتی ئەم ھەرێمە لە بری تۆمەت و سزادان، بیر لە چارەسەریی بکاتەوە.

لە پاش ٢٠٠٣ دەرفەتێکی زێڕین  بۆ گەلی کورد لە باشور هاتە پێش، بەڵام دەسەڵاتی ئەم ھەرێمە بە پێچەوانەوە  لە بەرژەوەندی ھاوڵاتیان کاری نەکرد و دواجار بە دەستێوەردان و هەماهەنگی وڵاتانی دەرەکی ھەرێمێکی بێ سیستم و ھاوڵاتییەکی بێ ھیوا هاتە کایەوە، ئەمڕۆش لە ئەنجامی نەبوونی سیاسەتێکی سەرکەوتوو، ھاوڵاتیانی ئەم ھەرێمە باجی سیاسەتی ناحەکیمانەی دەسەڵات دەدەن.

تەڤگەری ئازادیی کۆمەڵگەی کوردستان، زۆرترین باجی داوە لە خزمەت کۆمەڵگەدا و تاکە ھێزی ئۆپۆزسیۆنە، کە ڕێگریی لە چالاکیی و تەنانەت ھەبوونی بارەگاکانی دەکرێت.

ناوی دەستگیرکراوەکان

١- بەدەل بەرواری- مامۆستا

٢- شڤان بەروشکی- مەلا

٤- ئومێد بەروشکی- روژنامەنووس

٥-  غازی نێروەی- پێشمەرگە

٦- دڵگەش مزیری- مامۆستا

۷- هەوار بەهجەت- ماموستا و کوڕە شەهیدە

٨- جابر حسێن-مامۆستا

ڕۆژنیوز