( ژەنگی دڵ )

دڵ داڕزاوی بـــە ژەنــگـــــی کـــیـــنــــەوە

حەیـفـە ! ژیـــان بەم جۆرە مــەکـیـــنــەوە

پـەراوێزی ، نــاحــەق وێـــزە دەکـوتــی !

پــەرێـــز مــەبــە ! بــێــرە وانـەی ژیـنــەوە

( ئیرەیی ) یە ، دابـێــژ بووە سـیــنـەکەت

( ئێرەیی ) بــژی ، بــە پــاکـی سـیــنــەوە

شــۆردنـی دڵ پــێـویــستــە بـۆنــوێژی دڵ

تـا بـــگا دڵ .. بــە بــەری ڕەســیـــنــەوە

هــیــلاکــی دڵــت ، گــیــانــەڵای یــاسیــنــە

خــۆتــی خــەتــا ! نـەهاتـووە لە(سـین)ەوە

(پیک)ی ڕق،گەر(پێک)ی بادەت پێدەدا

هـەردەشــێــوێ ، ڕێــزی خـود ناسـیـنـەوە

ڕەقـی (شێلان)ت دەوێ بـۆ نــەرمی دڵ

( شیلان )شین نابێ ، بەم ڕق و قـینـەوە

(دڵـقاڵی) بە، بە (دڵـقاڵ) ی زیکری دڵ

(پۆشین) خۆشە ، بەوهەوا (پووشین)ەوە

ڕۆژی پەسـڵان ، بـازاڕی دڵـە نـەک ڕوو

دڵ کارا ؛ بـە گــریــســی ئــەم دیــنــەوە

زبــڵــدانــی نــەفــس ونـاخــت ڤـایـرۆسە !

دۆزەخە ژیـنـت بەم(بـێن) و (بـیـن) ەوە

بای(بایی)بوون،بای بایی(بایی)تی کرد

کەنـگێ دەمـامک دەژی بەم تــیــنــەوە ؟

نـوقـڵاوی بە ، ڕقاوی بۆ ؟ لە پای چی !

( هەو )دەکا دڵ ، بـەو درم و بریـنـەوە

خاکی خاکی بە ،(چاکی بوون)بە چاکە

نـەخـشـیـنی کە ، بەگەزۆی بەخـشـیـنـەوە

زامی دڵ کەی کاری مەردە ؟ چارەبە !

دەپـرســـێ خـوا ، ڕۆژێ بە یــەقــیــنــەوە

ســیـادڵ کـوشــتـنی خـۆتـە ، ژەهری ژین

ناخ ، داخ و ئاخ و ئـۆفە ، بەو پــیــنــەوە

ڕێـزەڵەیەک ئـیـمانـت هەس بــێـرە هۆش

دڵ مەرەخەس مەیـخە کێڵـگەی مـیـنـەوە

ئــیــلاهی شــوکر .. دڵــێــکـت پــێــداوم

پـاکــژ دەژی ، بـەو دیــنــە پــەرژیــنــەوە

شـادە ( تاوگۆزی ) دڵــی داوە بــە خوا

نایــژێـنێ قەت بە ، کـینـەی ئاگریـنـەوە

عبدالرحمن تاوگۆزی

٢٨/٤/٢٠١٧