| ||
سرووشتی من ، مرۆڤبوونە .. تێبگە !
ئـەگــەر جــارێ ســەرتـداو لــە ماڵ نەبووم بـەڵـێ ڕۆژێ مـنت دی و خۆشحاڵ نەبووم بـــۆ مــوحـیــبـەت وا گــوزەرا قاڵ نەبووم دڵ مـــەگــۆڕە ئـــازیـــزی دڵ هــەندێ جار دونــیـا وایــە ، واقـیـعـــەو خەیاڵ نەبووم ٭٭٭ لــە پـەنــاتــا هــەمـــوو ڕۆژێ ساڵ نەبووم بـۆ فـڕیـنــت هـەمــوو کــاتــێ باڵ نەبووم بۆ پیت و پەیڤ هەمووساتێ خاڵ نەبووم لــێـم مـەتـــۆرێ ئـەزیـزم خـۆ هـەمـووجار ڕێـنـاکـــەوێ ، مــرۆڤـــم پـــڕ حاڵ نەبووم ٭٭٭ ئـەگـەر ڕۆژێ ڕوو بـە خەندەو ئاڵ نەبووم قـەدەر وابـوو سـاتـێ پـشت و پاڵ نەبووم یـا مــــاوەیـــە هـــەوێـنـی هـەواڵ نەبووم هــەر لــە خــۆڕا دڵ مــەگــۆڕە ، ئــەزانی : کە لە ژیـانـمـا بۆ هیچ کەسێ چاڵ نەبووم ٭٭٭ هەرچۆنێ بووی ،من پڕئەدەب،زاڵ نەبووم مەیلت وەیلی!شای هەنگوین بووم تاڵ نەبووم سەیرت سوێر و ، من کەڕەتێ ژاڵ نەبووم ئـەزانـی بـۆ ؟ سـرووشـت و ڕەوشـتـی من مـرۆڤـبـوونـەو ، چرکە چـیـیـە کاڵ نەبووم ٭٭٭ قەت دڵـبەندی پلـەو پۆست و شاڵ نەبووم تەماح زۆریان خستە ڕێم جەنجاڵ نەبووم بــۆ نــادادی و نــاحــەقـــی حەماڵ نەبووم ئــەزانـی بــۆ ؟ دونـیـا یـەک دوو ڕۆژێــکـە بۆخوا نەبـێ،بۆ ڕێی کەس عەوداڵ نەبووم ٭٭٭ لە هـیچ کـۆڕێ ، کوێر و کەڕ و لاڵ نەبووم خاوەن دڵ بووم ، زەرفـێکی بەتاڵ نەبووم بـۆ تـیکـەی چـەوری دیـوان قەپاڵ نەبووم سـەرم کـەلاو ، دڵــم کـایــەی کــەس نیـیـە نەدۆڕام و ، بە (دەم)یش فـیشـاڵ نەبووم.
عبدالرحمن تاوگۆزی. ٦/ ٥ / ٢٠٢٢
| ||
Qadirzada.com © 2009 - 2022. All rights reserved
| ||