| ||
شنیای شیعر
شیعرە گوڵم نووسی بۆت ، تەڕ تەڕ بە نمەی باران شێوە و ڕەنـگـی تریفەو ، گەشـتر لە وەفای جاران
ئـەوەن نـاسک و نـەرمە ، چرکە سـاتـێ بـێـتـە ڕوو حەیران دەبن لە ڕوویا ، سەرپاک گوڵی گوڵزاران
بەخوێنی دڵ نووسیومە،پەڕەی ڕەنگی ڕووسووریت گـەڵای ڕەنـگی ئـابـڕووتـە ، چـارە بـۆ دەردە داران
زۆر بەخۆی دا دەنازێ ! دەفڕێ بەرز چوون بازێ دەبێتە سەرچـۆپی کێش ، سەر دا وەرزی بەهاران
دەستـنـوێژی بە گوڵاوو ، بە (شەونم ) یش شتوومە دەبـێ بـە دەرمـانی زام ، بـۆ دەردی دڵ بـیـماران
تـــــاسـووقـی دیـدارتـە ، هـەتـا لـە دەورت گــــەڕێ عاشقی شـەمی ( ڕووت )ە ، بێ پەروا وەکو یاران
شـیـعرێــکی پڕ لە نـازە ، گـەرووی پــڕ لـــە ئــاوازە ستـایـشـت دەنـووسـێ ، بـکرێ وەک گـەڵای داران
بە شەرمەوە دەنـووسێ ، لە وەسـفـت دا هـەژارە ! چبکا ! عاشـقی ڕێـتـە ، وەک ( بیلال ) و نـازاران
لەدەوری باڵات گەڕێ ، پیت و پەیڤ و ڕستەی من شیـعرم قـوربـانی بـاڵات ، چرای ڕێـگای رێـبـواران
چبکەم ! وشە شک نابەم ، شایان بێ بۆ وەسفی تۆ ( تاوگۆزی )قوربانی تۆ ، ئەی سەرداری سەرداران.
عبدالرحمن تاوگۆزی . شەوی ٢١/١١/٢٠١٧
| ||
Qadirzada.com © 2009 - 2022. All rights reserved
| ||