| ||
دونیا دەورانە
دونیا دەورانە یەک سەرەی ، یەک سەڕەی یەک تــا بـیـڵـێـن : کەرتـرە ، بـەرزە زەڕەی
چ (دەم)ێکە تا(دەم) بێ، هەر (دەم) دەبێ دەیدەمـێـنـێ لـە خـۆی دێ بـەزمی زەڕەی
هـەس بـە دەیـان پـەنـدی زەمـانـە ، وەلێ: تـێــنـاگــات و بـۆ : شـۆرەت مـلـە جەڕەی
ئـەرێ تـامی خـۆ دەرخـسـتـن چـییە چی ؟ خێرە نـەوت و فـیتی ئـەو هەمـوو شەڕەی
خەمی حەیای دونیات نـیـیـە ئەی قیامەت زاڵـــم و زوڵـــمـیــش ڕۆژێ دەدڕێ بــەڕەی
(ئەبوجەهل) و (ئەبولەهەب) چییان برد ؟ (ئەبو زەڕ) یش تا پەسڵان چەرموو پەڕەی
بـچـۆ ســـەیــــری ئـــاوێــنـە و خـۆ بـبـیـنە دووچڵ ئێسقان، سرنجێ خوێن ئەوگەڕەی
لــەکــەداری ڕەوشــت بــۆ هـــــــەوا بۆچی سیـفـەت قەڵـبی وەک ئەو یەکانە و دەڕەی
( تاوگۆزی ) دونـیـای تـەڵاق دا سێ بەسێ (حەمدەنـلیلا ) دووری ئـەو کوێر و کەڕەی
بـۆ پـارە و پـلە مـلـکـەچ نــەبـووی ، نابـی ! لـە حـەق وتـن سڵ نـاکـەیـت و لەو پەڕەی
پیاوی کەس نیت و ، بێباکی لە هەر کەس دوور لە ئـەو (قیل و قال) و قاڵ و نەڕەی.
عبدالرحمن تاوگۆزی . ١ / ١١ / ٢٠٢٢
۱ - دەم : سەردەم . ۲ - دەم : تا دەمی هەبێ و بەقسەبێ. ۳ - دەم : گەرم دەبێ . ٤ - دەیدەمێنی : درۆ دەکات.
| ||
Qadirzada.com © 2009 - 2022. All rights reserved
| ||