دایک .. بەرامەی گوڵاوی گێتی .

دوو کانـیلەی بەردەم ئاسۆی ئەوینن ، دووچاوی تــــــــــــــۆ

بەهەشتیش مەستی دیدارت بۆی میـسـکە بـۆی  نـاوی تــــۆ

ســوکـنـایــی ڕۆح ، دڵارایــی ، تــەزووی نـیگـای چاوتـــــــە

ئامێزت جۆلانـێـی عیشقەو ، پەتی زوڵفی خاوی تــــــــــــۆ

نــیــشـــتـــمانی شەکـرو شــیلە لــێــوی تۆیـەو ، ماچـێــکی

هەوێنی سرەوتی جانە و ، بۆ گـەردوون گوڵاوی تـــــــــــــۆ

بـاشـتـرین زانـکـۆی جیهانی ، پەروەردەو پەیڤی نــــــــــەرم

خواردنی شـاهــانـەش ناگا ، بە پەپکەو پـــڵاوی تـــــــــــــۆ

خــۆشـــتـریــن گـۆرانـــی گــێـتـی و ئـــــاوازی ، لایـلایـەتــە

چ ئـەفـسوونـێـکە ڕاماوم ! قەت کۆن نابێ باوی تــــــــــــــۆ

گـوڵ ئەگـەر نــازی جــوانــی بـەسەر ئــێــمـــەدا دەکــــــــــا

وا سـەری لـە ئــاسـمـان دەسـوێ ، گـوڵ شـکـۆی لاولاوی تۆ

هەڵمی هەناسەت کەشووشەی دڵ و دیدەم تەم دەکــــــــــا

دڵـێکی لە سەر دەکـێـشم ، نـمەی چون جواناوی تــــــــــــــۆ

تــا پــەســــڵان قــەرزاری تــۆم و ، چـی دەکــەم نـادرێـتـەوە

بـە تەخـتـی سوڵـتـانی نـادەم ، تـاجی من کڵاوی تــــــــــــــۆ

پـێـت بەر هەر شوێنێ کەوتبێ ، تـۆزی سورمەی چـــاومــــە

( تاوگۆزی ) لەلای بەهەشتە ، جێ مۆری پێڵاوی تـــــــــــــۆ .

عبدالرحمن تاوگــــــــــــۆزی .

٢٠/٦/٢٠٢١