شه‌و

ستار ئه‌حمه‌د

شه‌و دره‌نگه‌

په‌نجه‌ره‌ی ژووره‌كه‌ت داخه‌

نه‌وه‌كوو تنۆكێ باران بێته‌ ژوورێ

ده‌ترسم ئاسمان تووڕه‌ بێ و

خواوه‌ندی عه‌شق لێت نه‌بوورێ

ده‌ڕاكشێ

سه‌رپۆشه‌كه‌تیش فڕێده‌

لاله‌ی نیگات داگیرسێنه‌

چراكه‌مان كوژایه‌وه‌

به‌تاریكی خۆت داپۆشه‌

مانگی كزۆڵ مه‌ترسێنه‌

به‌یان له‌گه‌ڵ قاسپه‌ی كه‌وا

شه‌و تووڕ ئه‌ده‌م

تۆ جێدێڵم

دڵم له‌لات ده‌هێڵمه‌وه‌

ده‌ماچێكی ته‌ڕم ده‌رێ

 

Qadirzada.com © 2009-2014. All rights reserved