په‌یامی خۆشه‌ویستی

ستارئه‌حمه‌د

شه‌وانه‌ ده‌روازه‌ی دڵم

بۆ هاتنت ده‌كه‌مه‌وه‌

كاتێك كه‌ تۆ به‌دی ناكه‌م

له‌گه‌ڵ یادا ده‌توێمه‌وه‌

نه‌رمه‌ بارانی سۆزی تۆ

زامی گیانم ده‌شواته‌وه‌

له‌گه‌ڵ پێكی نیوه‌ی شه‌وا

خه‌مم له‌بیر ده‌باته‌وه‌

پیرۆزیی وه‌كو خاكه‌كه‌م

سه‌رچاوه‌ی گۆرانی‌و شیعری

له‌گه‌ڵ به‌سته‌ی چاوه‌ڕوانی

چرۆی ته‌مه‌نم هه‌ڵوه‌ری

هه‌واڵێكت به‌من ناگا

دڵ بۆ یادت ده‌توێته‌وه‌

له‌تاو عه‌شقی بێگه‌ردی تۆ

رێگای كۆچم نابڕێته‌وه‌

هه‌ر رۆژه‌ی روو له‌ شارێكم

بوومه‌ كۆچه‌ری بێ لانه‌

خۆشه‌ویستیت په‌یامێكه‌

بۆ ژینی من ناونیشانه‌

 

Qadirzada.com © 2009-2014. All rights reserved