په‌روانه‌

ستار ئه‌حمه‌د

له‌ یادی گوڵ ره‌نجاوم

گه‌ڵای عومرم وه‌ریوه‌

هه‌تا ئێستا له‌ ژینا

ساتێك شادیم نه‌دیوه‌

هه‌ر باڵ سووتاوی عه‌شقم

په‌روانه‌ی بێ شه‌وچرام

وه‌كوو ساوای بێ دایك

له‌ دووی عه‌شقت زۆر گریام

ئێستاش دڵ ئارام ناگرێ

لانكی سه‌ركۆشتی ئه‌وێ

سوور ده‌زانم دڵه‌ی تۆ

كه‌سێك دیكه‌ی خۆش ئه‌وێ

به‌باچوو ره‌نجی لاویم

دوای په‌یمانی پووچ كه‌وتم

نه‌بوو مرۆڤێ دڵسۆز

ببێ به‌ هاوڕێی ره‌وتم

ته‌نهایی بوو به‌ به‌رگم

به‌ هاوڕازی ژیانم

مه‌حاڵه‌ له‌ یادت كه‌م

ده‌رناچی له‌ نێو گیانم