پارچەكانم كۆكەنەوە

ستار ئەحمەد

 

رۆحی سەد جەستەم

لەژانە

پرسی رۆژانەی دوارۆژمان

لەلای بەغاو

تورك و خۆرئاواو

ئێرانە

راست و چەپ و

سەروو خواروم

ناتوانن بەیەك ئاشنابن

رۆژ نییە

لەبانەو سنە

مەهابادو

سەقزو شارەكانی دی

شۆڕە سوارم هەڵنەواسن

لەئامەدو دیاربەكریش

هەتا ئێستا

بەزاری دایكیان ناخوێنن

قامیشلوو

دەستە خوشكانی

بێ ناسنامەو

بێ پێناسن

 لای خۆمانیش

چوار بەش و

دوازدە  پارچۆكەین

ناتوانین

دڵ و هەناومان

ئاشت كەینەوە

باسی  دەوڵەتێكی كوردی و

میللەتێكی سەربەخۆكەین

 

 

Qadirzada.com © 2009-2022. All rights reserved