نیگاری مردن

ستار ئه‌حمه‌د

 

كه‌دێیته‌ سه‌ر تابلۆی چاوم

به‌نیگا پاك ده‌تشۆمه‌وه‌

تێكه‌ڵ به‌فرمێسكم ده‌بیت

زۆر حه‌زده‌كه‌م بتخۆمه‌وه‌

له‌خوێنما هۆگری ژانی

له‌دڵما په‌له‌ی هه‌ڵاتن

شیعره‌كانم وه‌كوو سۆزت

بوونه‌ته‌ نیگاری مردن

ژوانگه‌یه‌ك نامدوێنێ‌

خۆشهاتنێك به‌دی ناكه‌م

خه‌زان عومرم به‌با ئه‌دا

گیرۆده‌ی ژانی ئه‌م خاكه‌م

كچی خه‌یاڵی بێهووده‌م

نیشتمانی خۆێن رژاوم

من عاشقێكی سه‌رمه‌ستم

پێشكه‌شت بێت هه‌ردوو چاوم

 

Qadirzada.com © 2009 - 2015. All rights reserved