لوتكه‌ی شه‌پۆلی ئه‌ندێشه‌

ستار ئه حمه د

 

كه‌ په‌نجه‌كانم له‌ به‌فرا ده‌رچا

به‌ گیرفانی هه‌واوه‌ خۆم گیر ده‌كرد

به‌ ته‌رمی ته‌مه‌وه‌ خه‌ونم ده‌بینی

بۆیه‌ تراویلكه‌ بووه‌ته‌ وێردی شه‌واره‌م

به‌ باڵای ئه‌ندێشه‌دا هه‌ڵده‌زنێم

ناگه‌مه‌ لوتكه‌ی مه‌راز

له‌پاڵ هێلكۆكه‌ی خۆزگه‌دا

هێشووه‌ حه‌زه‌كانم ده‌تروكێن

دوور له‌ ده‌ستی مه‌رحه‌مه‌تی تۆ

بێزار له‌ خۆم

كه‌رتێك له‌ ناخم ده‌بڕم

له‌ چوار چێوه‌ی ئێوه‌دا , به‌ پرشنگ ده‌یڕازێنمه‌وه‌

نه‌ مانگ دیاره‌

 

Qadirzada.com © 2009-2022. All rights reserved