شیعره‌كانت

ستار ئه‌حمه‌د

 

شیعره‌كانتم

یه‌ك یه‌ك ماچكرد

سنگم بووه‌ شانه‌ی وشه‌

هه‌ناسه‌م

بۆنی تۆی گردووه‌

كه‌ دێم حه‌ رفێك

به‌لاپه‌ڕه‌ ئاشناكه‌م

شیعره‌كانت دێنه‌ زارو

تێكه‌ڵ ده‌بن به‌هه‌ناسه‌م

په‌یڤه‌كانت له‌خۆت ناچن

وه‌ها هۆگری خوێنم بوون

هه‌رگیز له‌رۆحم ده‌رناچن

ئه‌ی خۆت

خۆشت به‌چاره‌ما نایه‌

واده‌زانی خه‌م و كێشه‌ت

سه‌رچاوه‌كه‌ی له‌مندایه‌

وه‌ره‌ گوڵم

تۆ به‌ بێ‌ من

ره‌وه‌ندێكی بێ‌ نیشتمان

تۆ دوور له‌من

نه‌شیعر ناخت ده‌ناسێ‌

نه‌دڵسۆزێك شه‌وانه‌ بۆت ده‌ توێته‌وه‌

ئه‌ی ئه‌و كه‌سه‌ی

بێزاری لێم دڵت به‌ من ناكرێته‌وه‌

 

Qadirzada.com © 2009-2014. All rights reserved