ده‌روازه‌

ستار ئه‌حمه‌د

ئه‌م به‌یانییه‌

گه‌واڵه‌یه‌ك به‌باران ده‌مپێچێته‌وه‌

به‌تیله‌ی شنه‌ی با

له‌نیگات ده‌گه‌ڕێم

ته‌ڕده‌بم وه‌كوو چۆله‌كه‌یه‌كی زامدار

بۆ لانه‌ی نۆغرۆم ده‌خوێنم

نه‌تۆ له‌ده‌روازه‌ی هزرمدا ده‌سره‌وی

نه‌شوێن پێی گوزه‌رت ده‌بینم

به‌سه‌ر ته‌رمی رۆحی خۆمدا ده‌كه‌وم

گریان هه‌نسكم له‌باران ده‌ئاڵێنێ‌

به‌چوارچێوه‌ی هه‌ور خۆم ده‌به‌ستم

له‌تاوا تروسكه‌یه‌ك چوون نیگای تۆ

ده‌كه‌مه‌ چرای مه‌ودای عومرم

ته‌كان ده‌ده‌م

تابگه‌مه‌ تۆی هه‌ڵوێست و خۆشه‌ویستم