چرای غه‌ریبی

 

ئــه‌مشـه‌و چراکه‌ی ماڵم هه‌ڵئه‌که‌م

لـه‌بــه‌رده‌م بـه‌ختا بـه‌دڵ ڕووناکی

گـلـێـنه‌ی چــاوم ئــــه‌بـڕمه‌ هـیوا

زۆر بــه‌ئارامی و به‌هه‌ستی پاکی

*****
تــه‌نـیا بــۆ ده‌سـتێ بگاتــه‌ فـریـام

ڕوناکـی مۆمـم بــۆ داگـیـرسـێـنێ

بــدا لـه‌ شـه‌قـه‌ی بـــه‌ختی ئومێدی

هـیـوای تـه‌مــه‌نـم بـــۆ بـدرکـێـنێ

*****
مـن لــه‌غـه‌ریـبی ژانـێ خواردومی

سه‌رتاپای له‌شی فرمێسکی گرتووم

دڵـم ئـه‌جـووڵـێ و هـه‌راسـانی ژین

کـفـت و نـاشـاد و شـه‌که‌تی کردووم

*****
کـوا بـۆ سـاماڵـێ هـه‌وری ماتـه‌می؟

لـه‌ دڵ و لاشـه‌ی غــه‌ریـبـیم ده‌رکا

چـاوم بـۆ هـیوا بـڕوانـێ و هـه‌ستم؟

وه‌ک مه‌لی خۆزگه‌ بۆخۆی سه‌فه‌رکا

*****
مـنـیـش هــه‌ر وه‌کــو دڵی غـه‌ریـبان

هــه‌نـاسـه‌ و چـاو و حـه‌زم مـــردووه‌

مــۆمـی غـه‌ریـبـی ئـــــازاری داوم

سـه‌رابـی ژیـنـی بـۆخـۆی بـــردووه‌

*****
کێ تـوانی ساتـێ لـه‌م غـه‌ریـبـی یه‌؟

تـه‌مـی شــــه‌وانـێـک لـــه‌ دڵم ده‌رکا

بـه‌شـاخـی سـه‌خـتـی نـائـومـێـدیـما؟

ده‌سـتـێـکم بگرێ و لاشـه‌م گوزه‌رکا

*****
فـرمـێـسک و ژانـم دڵـۆپـه‌ ، دڵۆپ

لــه‌گـه‌ڵ شـه‌پـۆلـی پایـیـــزی ژیـنم؟

بــوونـه‌ ئــاوازی ژووره‌ تـــاره‌که‌م

لــه‌ بـۆ هــاوڕازێ لـه‌ ده‌ردی شیـنم