|
| ||
|
|
||
|
خه‌مێک بۆ هه‌ڵه‌بجه و ئه‌نفال
هه‌ڵه‌بجه‌ی باران و خه‌م ئه‌ی ئازاری بێ نه‌بڕاوه تــــۆشـــه‌لالی خوێنـی دنیا لــــه ڕوت تاساوه ***** هه‌نیسک و ژانی شارێ هاواری هه‌ر ته‌نیایه ئه‌م مێژووی سه‌روه‌ری یه‌ت سرووده بۆم دنیایه ***** پێنج هه‌زار له په‌پوله و هه‌زاران به‌خاکه‌وه گشتیان بوونه سوتماکی به ویژدانی پاکه‌وه ***** ئێوه وه‌ک گوڵاڵه بوون ده‌نگتان ئه‌گه‌یشته‌ئاسمان هێرۆشیمای براتان؟؟ ڕه‌نگاڵه‌یه بــــۆ جیهان ***** دوکه‌ڵ ، گڕ و ئه‌ستێره؟؟ چوونه ناخی دڵه‌وه ژیان تێکه‌ڵ به گاز بوو له‌گه‌ڵ خه‌می گڵه‌وه ***** دڵـنـیـام ئـــه‌م ســــرووده مێژووی پڕ خوێناوی یه ئــاوازی حــــه‌زی دڵـتـان؟ وه‌ک هه‌وری ته‌ماوی یه ***** قژی چیا و که‌نارتان ووشه‌ی شیعر و ئــــه‌وینه هه‌ناسه‌ی کۆرپه‌کانتان گوڵی تازه‌ی شیرینه ***** چرکه‌ی ویژدانی ئێوه شه‌قام ده‌خـــاته ووتن ئه‌م شانۆگه‌ری شینه ڕویدا بۆ ئه‌وه‌ی کوردن؟؟؟ ***** تۆ ئه‌و ناسنامه میللی یه بۆ ئێمه بوویته سه‌د شانۆ هه‌تا ویژدانی هه‌ق مابێ چاوی که‌چه له ئاستي تۆ ***** له شانزه‌وه خۆریان تۆران کۆتری سپي بوو به هێما گه‌رووی ئاگرداني ته‌مه‌ن هه‌ڵوه‌رینی بۆ به‌جێما ***** بۆ ناسنامه‌ی مافي مرۆڤ په‌ڵه‌یه‌کی ڕه‌شی تۆخ بوو لـــــه‌م قوژبنی ووڵاته‌دا کورد بوو به به‌شێک له مردوو ***** له‌م مه‌زادخانه‌ی کاسه‌ی سه‌ره پرسه ئێشی ئه هۆنیه‌وه له شانزه‌وه تاکو ئه‌مڕه گۆشت وئێسکمان نه‌دۆزیه‌وه ***** به‌سه‌د زمان تکامان کرد به‌بۆنی سێو مه‌مان کوژن بێ شه‌رمي یه بۆ ئه‌م چه‌رخه به‌بێ کفن ئه‌مان نێژن ***** هه‌ڕج کراین وه‌کو کاڵا له‌سه‌د مزایده‌ی شاران ئومه‌می موته‌حیده‌که‌ش؟؟ نه‌ی پرسییه‌وه له هه‌زاران ***** ئه‌ستێره و باخ و ئاسمانیش بۆم جه‌فایه نووشتايه‌وه که‌سێ نه‌هات لێمان پرسێ؟؟ ئه‌و ده‌رگایه نه‌کرایه‌وه ***** قاچاخچی خوێن و لاشه‌مان هاڕی له نێو به‌ردی ده‌ستاڕ کۆربه‌ماني کرده شه‌راب له‌مابینی مێزی قومار ***** بووين به شه‌و و ڕۆژمان نه‌دی نێرگز بووبه گلێنه‌ی خه‌م له‌و ساته‌وه تاکو ئه‌مڕۆ هه‌ر يه‌ترسین له هه‌ور و ته‌م ***** من دڵنيام ئه‌و چاوانه : له‌سه‌ر ئێمه هه‌ر وادڕن گه‌ر ئه‌م جاره‌ش ووریانه‌بین وه‌کو پێشوو هه‌مان گڕن ***** ئێمه هه‌موو له‌م بێشکه‌یه به‌ر شه‌واره‌ی ئاخێ که‌وتووین گه‌ر هه‌ناسه و تاسه‌ی ڕووحمان يه‌کێ نه‌بێت: هه‌موو مردووین ***** له هێلانه‌ي حه‌زه‌کانمان که‌س چاوي پێمان هه‌ڵنایه له ئێستاوه ئاسۆ نه‌گرین هه‌ره‌س هێزی له بڕوایه ***** ئه‌ی هه‌ڵه‌بجه‌ی سۆز و گڕم خه‌ونی سواڵکه‌ري بێ په‌روا تۆ له قژی ژنێک ئه‌چی؟؟؟ به‌دوای مه‌رگي کوڕی ده‌ڕوا ***** تۆ یه‌ک جه‌سته‌ی له ناخمانا گه‌رچی هه‌لاج له‌تی کردووین له‌م ڕۆژه‌دا بۆ خاوه‌رێک له‌کڕنووشاين هه‌تامردووین ***** شارستانی فاشستی یه‌کان به‌م بیره‌وه هه‌ڵقوڵاون بۆیه کێوی ژه‌نگی وویژدان له‌ساباتی عه‌قڵی داون ***** پاییزێکی فریوو خواردووی پرچت سه‌رابی هاواره دوا کاره‌سات بووی له‌م ژینه ئیتر نادرێي له سێداره ***** ئه‌ی هه‌ڵه‌بجه‌ی دڵ خوێناوي تۆ ڕوبارێک له ڕووناکیت ئه‌ڵێی به‌رماڵی بێش نوێژی که پڕاو پڕ وای له پاکیت ***** یادگاری تۆ و زامی ویژدان بۆته گیان و ڕووحی ئه‌وین ته‌نیا دڵی پاکی تۆ بوو؟؟؟ بووبه‌مایه‌ی ئازار و شين ***** دڵت سوتا باخیان نه‌هێشت باخه‌وانیش بووبه شه‌قام هه‌مووشتێک سڕايه‌وه له گۆرانی و به‌سته و مه‌قام ***** شه‌و له چاوی تۆدا خه‌مه بورکانی ته‌م به هه‌زاره ئه‌م چه‌رخه تابێت و بڕوات له‌گه‌ڵ حه‌زی تۆ لاساره ***** بێ پێوانه سه‌ریان بڕیت چرای ئاسمانیشیان سوتان هه‌ر چوار پارچه ته‌عزێباره له بانه‌وه تاکو بۆتان ***** وویژدان فه‌رامۆش کرابوو خاچ که‌ژاوه‌ی ئاوه‌دانی هه‌واڵ پرسێک نه‌بوو لێره خوێن هه‌ڵئه‌قوڵا وه‌کو کاني ***** هیوای تۆيان کرد به خه‌ون به‌بێ ڕه‌حمی زۆر به ئاسا ئه‌وڕۆژه‌یان وا تۆمارکرد کۆ‌ت و زنجیر بوو به یاسا ***** ڕه‌گ و ڕیشه‌ی تۆ یان هانی بۆ سڕینی گیانی پاکت وویستیان مێژووی تۆ بگۆڕن له‌ئاده‌م و ئاو و خاکت ***** بیست و دوو ساڵه بێ نازی جيهان گوێی خۆی کپاندووه گه‌رچی ئازاري نێو لاشه‌ت خۆي به دڵمان چه‌سپاندووه ***** ئه‌ی هه‌ڵه‌بجه قه‌ت نامری تۆ بووی به نوورێ له گلێنه‌م ئه‌تپه‌رستم هه‌تاماوم خاوه‌ن هه‌ست و ئه‌و به‌ڵێنه‌م ***** ڕۆژێ دادێ گوڵي پیرۆز؟؟؟ له‌سه‌ر گڵکۆی شه‌هيد بڕوێ بانگه‌وازی مافی مرۆف له هه‌ڵه‌بجه هه‌قی بدووێ
ئــــه‌نـفـال
ووڵاتیان کرد به که‌لاوه ڕێگاکانیان هه‌موو ته‌نی شاخ و چیا و به‌فر و باران له ژێر پـێـیانا ڕاچه‌نی ***** هاتن ووڵاتیان سه‌ر بڕی خۆزگه‌یان دا به خه‌ونه‌وه ترووسکایی بووبه ڕه‌ژوو له‌گه‌ڵ پرچی سه‌د ژنه‌وه ***** ووڵات بووبه گۆمێکی خوێن هه‌ور ته‌رمی له سێبه‌ر بوو له‌گه‌ڵ گریانی به‌هاردا ئه‌م کانیانه له سه‌فه‌ر بوو ***** ئێوارانی بێ نه‌بڕاوه ده‌ستیان خسته گه‌ردنی شه‌و کێ ئه‌توانێ وه‌نه‌وزێ بات به‌درێژايی ڕۆژانی ئه‌و؟؟ ***** ووڵاتیان کرد به شه‌پۆلێ له ده‌مامکی چاوه‌ڕوانی هه‌نگاو ئۆقره‌ی لێ بڕابوو به‌ده‌م ناڵه‌ی پڕ گریانی ***** وه‌ک که‌ره‌سته‌ی بیناسازی لاشه‌ده‌کرا به‌چه‌ند جۆرێ بۆوه‌ی تاکوو مێژوو هه‌بێ ژیان له‌لامان بتۆرێ ***** ماندوویه‌تی وه‌کو ته‌رزه ئاڵا بوو له شاني مێژوو هۆلاکۆ خۆي نیشان ئه‌دا وه‌ک ڕه‌فتاری له ڕابردوو ***** منع التجولی دانا له‌به‌ر نیازی بۆ کاره‌سات چه‌ند وه‌رزێکی لێمان سوتان بۆ له‌ناوبردني ووڵات ***** ئه‌م ووڵاته بوو به ته‌مه‌ن تاکوو ده‌هات هه‌ر پیر ئه‌بوو له‌سه‌د قڕنی ئه‌م مێژووه جارێک نه‌بوو به ئاره‌زوو ***** ده‌ستێک هات و ئێمه‌ی هاڕي سه‌ربه‌ستیان لێ قۆسته‌وه له‌و رۆژه‌وه حه‌قمان خوورا بیرمان نه‌کرد به هه‌سته‌وه ***** ڕێژنه‌یه‌ک له قیژه قیژ بووبه هیمای ئه‌نفالمان
له‌گه‌ڵ پۆستاڵی ڕه‌شا پڕبه‌دڵ ئه‌مان ناڵان ***** هیوایان لێ سه‌ربڕين کۆرپه‌مان بوو به نامۆ ئه‌م بیره‌وه‌ری خه‌ونه هه‌ر ده‌مێنێ لای من ، تۆ ***** هاوارمان ئه‌چنینه‌وه له‌گه‌رووی تاسه‌ی ئه‌وان ژیان بووبه تینووێتی؟؟ له ده‌روازه‌ی نێو چاوان ***** ئێستاش ئه‌وه‌ی ئه‌و ئه‌نفاله سرووده‌کان ئه‌ڵێنه‌وه خه‌ونه‌کانیان ده‌چرپێنن به‌سه‌د هیواو به‌ڵێنه‌وه ***** ئه‌وه‌تانێ نه‌وه‌ی تازه بووه به خۆری نه‌بڕاوه هه‌رکه‌س حه‌قی خواردبێت بووه به‌گڕ له ئه‌و ناوه ***** سه‌ده‌ي بيستي ئه‌م ووڵاته هه‌ر جه‌نگ و خۆ هه‌ڵاتن بوو ته‌ق و تۆقی شار و کۆڵان له ناو دڵی ئه‌م کورده بوو ***** ئه‌ی وویست شوێنه‌وار و مێژووی ئـــــه‌م ووڵاتــــه بسڕێـتـه‌وه خـــاکــێـــکی وا بخوڵـقـێـنـێ ئــــــه‌وه‌کـانــــی بـتـلـێـتـه‌وه ***** به‌ڵام ده‌ستی نه‌زۆکی ئه‌و هێمای ئاشتی بن بڕ ناکا هیوای به‌رزی نه‌وه‌ی ئێمه‌ش به ئه‌نفالێ وا سڕناکا ********** ڕێبوار ئالاني به‌ریتانيا
2010 |
||
|
Qadirzada.com © 2009-2022. All rights reserved
|
||
