پەشیمان بە

پەشیمانی لەو حەزانە    خەمت بۆمن جێ هێشتووە

لە ناو بۆتەی ئەم عەزابە     کۆڵێ دەردت پێ چەستووە

**********

وامەزانە من لە دوای تۆ     ئەستێرەیەک دێتە بەختم

وێڵی پرشنگێکی نامۆ و    کارەساتێکی ڕێی سەختم

**********

نە سەرابی تەماوییم و       نە  ساڵێکی دەمە و پاییز

بەڕابردووی خۆما ئەڕۆم       بۆ بەندەری دەمە و ئازییز

**********

ئێستاش ئەوینی شیعری من    فرمێسکی وا لێدێ هۆن هۆن

دڵ و هیوا و ڕێگاکانمان     چاوەڕێی یەک نیگاری تۆن

**********

پەشیمان بە و بگەڕێوە        هێشتا دڵم بێ سەبوورە

زەردەخەنەت ببارێنە      بۆم کاروانی عەشقە دوورە

**********

ڕێبوار ئالانی

بەریتانیا

Qadirzada.com © 2009. All rights reserved