نه‌ورۆز و به‌هار

ئه‌ی نه‌ورۆزی به‌خشنده‌

هیوای به‌رزی ئه‌م کورده‌

پـــڕ له‌ سۆز و ڕزگاری

بۆ قه‌ومی کوردان دیاری

پـێـکه‌نـیـنـی گـوڵـبـاخـی

ڕه‌وێنه‌وه‌ی سه‌د ئاخی

ژیانه‌وه‌ی ئه‌م ژینه‌ی

ئاسۆی به‌رزی مێژینه‌ی

پڕ دیمه‌نی سرووشتی

وێنه‌ی گوڵی به‌هه‌شتی

خه‌ونی جوانی به‌هاری

تارای شاخ و ڕوباری

نێرگز بووکی ڕازاوه‌

زه‌رد و سه‌وزی نه‌خشاوه‌

هـــاوه‌ڵــی مـه‌ل و چـڵه

شه‌ونمی په‌ڕه‌ی گوڵه‌

نه‌ورۆز جه‌ژنی ڕووناکی

دروشمی ڕێی دڵپاکی

مایه‌ی شادی و ژیانی

هه‌م به‌سته‌ی هه‌م گۆرانی

گشتمان به‌هیوای شادی

بـــۆ نـــه‌ورۆزی ئازادی

هاوار ئه‌که‌ین پیرۆزبێ

جه‌ژنێکی به‌رز و سۆزبێ

 

ڕێبوار ئالانی ‌

بەریتانیا

Qadirzada.com © 2009. All rights reserved