هاوڕێ

 

 

هاوڕێ من زۆرم خۆش ئەوێی؛

کوخەکەت هەر لە دڵمایە

‌زۆر ڕۆژانێ بۆتۆ ئەگریم

‌بەڵام باران ڕێم پێنایە،

‌  ......      ......

‌فرمێسکەکانم نابینی ؟

‌چاوی ڕەشی کردووم بە سوور

‌چەندە ڕقم لە غوربەتە ؛

هەزار ئەوەندەش لە سنوور

‌  ......      ......

‌  لە ژووری ساردی بێ تۆیی

‌بەرگی گریان ، هەناسەیەک ؟؟

‌دوو باڵدارن من ئەدوێنن ؛

‌لەگەڵ ڕوحی چەند پیاسەیەک

‌  ......      .......‌

کە تۆم جێ هێشت من بەهار بوم

‌پاییز ڕوحی بردم بۆخۆی

‌  هەر تەماشای ڕاست و چەپم

‌لە سێبەرما هەست ئەکەم تۆی

‌  ......      ......

‌چەند غوربەتی جەستەم لەتکا؟

‌خەیاڵی من بکا بە تۆز ؟؛

‌ئەو ڕۆژانە قەت تێک ناشکێ؛

‌وەفا و ڕاستی و حەزی بە سۆز

‌  .......       .......

ڕێبوار ئالانی

‌بەریتانیا

پێشکەشە بەو هاوڕێیانەی لەدڵما بۆ ئەبەد هاوڕێی دڵسۆزمن

Qadirzada.com © 2009. All rights reserved