ماچی ماڵ ئاوایی

به‌ هێمنی هاتی بۆ لام

بوی به‌ پێناسه‌و که‌سم

خۆت خزانده‌ دڵوهه‌ستم

 

رازه‌کانت خۆشی به‌خشیه‌ ژیانم

خۆشه‌ویستیت شادی به‌خشیه‌ ده‌رونم

رووناک که‌ره‌وه‌ی تاریکی ژینم

 

چۆن هاتی به‌ ساده‌یی

به‌هێمنیش هه‌ر ئاوا رۆیشتی

هیچت نه‌وت له‌ کۆتای

 

نه‌م ده‌زانی به‌ڵێنی روناکی بوی

بۆ دووری و دابران هاتبوی

بێ کۆتا داتخست لاپه‌ره‌ی دڵداری

نه‌ت کرد ماچی ماڵ ئاوایی

 

 ********************************

 

       چاوه‌که‌م

 

چاوه‌که‌م  چاوی  جوانی  تۆ

بون به‌ په‌رستگای دڵی ره‌نجه‌رۆ

تۆ گشت  کاتێ  له‌  خه‌یاڵمی

گولو خونچه‌ی باخی نه‌به‌هارمی

دیمه‌نی جوانو ئه‌ستێرانی گه‌ش

چاوه‌روانی تۆن بتگرنه‌ باوه‌ش

هه‌رکه‌ دیمه‌نت هاته‌ به‌ر چاوم

ئه‌دوێم له‌ گه‌ڵتا به‌دڵی سوتاوم

له ‌ پر خه‌به‌رم ئه‌بێ ته‌وه

ئه‌رژێ فرمێسک له‌ چاومه‌وه‌

خۆم له‌ ژورا پیر ئه‌که‌رد

هه‌رهاواری چاوی جوانی تۆم ئه‌کرد‌

 

 

                                                  هۆنراوه‌ی

                                                   ره‌نج جمال

 

Qadirzada.com © 2009. All rights reserved