| ||
|
||
راگهیهنراوێكی هاوبهش
هاوپهیمانی بۆ دیموكراسی و دادپهروهری و گۆڕان و كۆمهڵ راگهیهنراوێكی هاوبهش بڵاودهكهنهوه
دهقی راگهیهنراوهكه: بهناوی خوای بهخشندهی میهرهبان ڕاگهیهندراوێك بۆ ڕای گشتی
بۆ ڕووبهڕوبوونهوهی قهیران و شكست و كارهساتهكانی سیاسی و سهربازی له كوردستان، پارێزگاری له دهستكهوتهكانمان، ڕاستكردنهوهی ڕێڕهوی پرۆسهی سیاسی، دانانی ڕێگهچارهیهك بۆ ئاسایی كردنهوهی دۆخی دووز و كهركوك و خانهقین و ناوچه كێشه لهسهرهكان، ئێمه وهك بزوتنهوهی گۆڕان و كۆمهڵی ئیسلامیی و هاوپهیمانی بۆ دیموكراسی و دادپهروهری داوا دهكهین: ١- قهوارهی سیاسی ههرێمی كوردستان و یهكڕیزی گهلی كوردستان پارێزراوبێت، میللهتهكهمان ڕزگاركهین له مهترسییهكانی دووبهرهكی و شهڕی ناوخۆ. ٢- لهگهڵ هێز و لایهنه سیاسییهكانی كوردستان له ههوڵهكانمان بهردهوام دهبین بۆ پێكهێنانی حكومهتێکی کاتی لە ڕێگای پارلەمانەوە بۆ به ئهنجام گهیاندنی ئهركی سهرهكی له بهڕێوهبردنی مهلهفی گفتوگۆی ههمهلایهنه لهگهڵ حکومەتی فیدراڵی و ئامادهسازی بۆ ئهنجامدانی ههڵبژاردنێكی پاك و بێگهرد به چاودێری ڕێكخراوه بیانییه تایبهتمهندهكان ، تەواوکردنی ڕەشنوسی دەستور بە جۆرێک سیستەمی پارلەمانی تێدا جێگیر بکرێت وئامادە بکرێت بۆ راپرسی ، دانانی بەرنامەو پلان بۆ چاکردنی بژێوی خهڵك. ٣- حكومهتی عێراق مامهڵهی لهناوچه جێ ناكۆكهكان بهپێی دهستور بێ و كار بۆ ئاسایی كردنهوهی بارودۆخی ئهو ناوچانه بكات و ئاوارهكان بگهڕێنهوه سهر جێگای خۆیان. ٤- دامهزراوهی سهرۆكایهتی ههرێم ههڵوهشێتهوهو دهسهڵاتهكانی بهپێی یاسا بدرێته دامهزراوه پهیوهندیدارهكان. ٥- پهرلهمانی كوردستان سهرچاوهی بڕیار و یاسادانان بێ و هیچ دهسهڵاتێكی سیاسی لهسهروی پهرلهمانهوه نهبێ.
هاوپهیمانی بۆ دیموكراسی و دادپهروهری كۆمهڵی ئیسلامیی كوردستان بزوتنهوهی گۆڕان
٢٤/١٠/٢٠١٧
|
||
Qadirzada.com © 2017. All rights reserved
|
||