ڕێم لێ به‌رده‌ باسه‌فه‌ر که‌م

ڕێم لێ به‌رده‌ باسه‌فه‌ر که‌م

بۆ وڵاتی ئه‌وین داران

له‌ پێش ئه‌وه‌ی ڕه‌نج بێوه‌ر بم

وه‌کو ڕه‌نجی مه‌می ئالان

ڕێم لێ به‌رده‌ باسه‌فه‌ر که‌م

بۆ وڵاتی بت په‌رستی

با ده‌رباز بم له‌ وڵاتی

پڕ له‌خه‌م و خۆ په‌رستی

له‌م وڵآته‌ تاکوو ئێستا

هه‌ڵ نه‌کێشام هه‌ناسه‌یه‌ک

نه‌م نێنیوه‌ دوو خۆشه‌ویست

به‌ ئازادی بگه‌ن به‌ یه‌ک

له‌پێش ئه‌وه‌ی قه‌ده‌ر بێت و

جلی خه‌می ڕه‌ش له‌ به‌ر که‌م

تکا ده‌که‌م ڕێم لێ به‌رده

له‌م وڵاته‌ به‌سه‌فه‌ر که‌م