| ||
|
||
ڕاگەیەندراوێك لە سەرۆکی هەرێمی کوردستانەوە
نێچیرڤان بارزانی سەرۆكی هەرێمی كوردستان راگەیاندراوێكی بۆ پشتیوانی لە خۆپیشاندەرانی عێراق بڵاو كردەوە.
دەقی ڕاگەیەندراوەکە:
بەردەوامیی بەكارهێنانی توندوتیژی دژبە خۆپیشاندەران له عێراق ئیدانە دەكەین، خۆپیشاندانی ئاشتییانەی مەدەنی، مافێكی دەستوریی رێگەپێدراوە، كوشتنی خۆپیشاندەران و بەكارهێنانی هێز بۆ تۆقاندن و بڵاوەپێكردنیان، تاوانێكی زەق و زەوتكردنی ئازادی و مافە دەستورییەكانی هاوڵاتیانە".
ئێمە لەكاتێكدا داوای راگرتنی ئەو تووندوتیژی و هەڵسوكەوتە ناڕەوا و نایاساییە دەكەین، پشتگیریی خۆمان بۆ داوا رەواكانی خۆپیشاندەران دووپات دەكەینەوە لە دابینكردنی خزمەتگوزاری و خۆشگوزەرانی و ژیانێكی باشتر كە مافی شایستەی گهلی عێراقە دهبێ ههمووان لهوه تێبگهن كه كێشە و ناڕەزایی و داواكارییەكانی خەڵك بە زەبری هێز و سەركوتكاری نە كپ دەكرێن و نە چارەسەر دەبن، ھاوکات بۆ کۆتاییھێنان بەو قەیرانه، داوا دەکەین ههرچى زووترە پرۆسەی پێکھێنانی کابینەی تازە یەکلا بکرێتەوە.
نێچیرڤان بارزانی سهرۆکی ههرێمی کوردستان ٦/٢/٢٠٢٠
|
||
Qadirzada.com ©2009 - 2020. All rights reserved
| ||