مەسرور بارزانی: پەیامێک بەبۆنەی جەژنی نەورۆز بڵاو کردەوە

رۆژی سێشەممە ٢٠/٣/٢٠١٨ مەسرور بارزانی، راوێژکاری ئەنجومەنی ئاسایشی هەرێمی کوردستان بەبۆنەی جەژنی نەورۆز، پەیامێکی بڵاو کردەوە.

 

دەقی پەیامەکەی مەسرور بارزانی:

 

سه‌ری ساڵی نوێی كوردی و جه‌ژنی نه‌ته‌وه‌یی نه‌ورۆز، له‌ خانه‌واده‌ی سه‌ربه‌رزی شه‌هیدان، پێشمه‌رگه‌ قاره‌مانه‌کان، كارمه‌ندانی داموده‌زگاكانی ئه‌نجوومه‌نی ئاسایشی هه‌رێم و گه‌لی كوردستان پیرۆز ده‌كه‌م.

 ئه‌م جه‌ژنه‌ نه‌ته‌وه‌ییه‌، بۆ ئێمه‌ی گه‌لی کورد مانا و تایبه‌تمه‌ندی خۆی هه‌یه‌، له‌لایه‌ک ده‌ستپێکی ساڵێکی نوێیه‌، له‌لایه‌کی دیکه‌شه‌وه به‌گژداچوونه‌وه‌ی سته‌م و به‌ده‌ستهێنانی ئازادی و سه‌رفرازییه‌.

گه‌لی کوردستان ئێستا به‌ قۆناغێکی سه‌ختدا تێده‌په‌ڕێت، به‌ خۆڕاگری و ئیراده‌ی ئه‌م خه‌ڵکه‌ سه‌ربه‌رزه‌وه‌ به‌رانبه‌ر هه‌موو ئه‌وسه‌ختیانه‌ وه‌ستاینه‌وه‌، بۆیه‌ خه‌ڵکه‌ خۆڕاگره‌که‌مان شایسته‌ی رێز و سوپاسه‌.

دڵنیایین ده‌رفه‌تی ده‌ربازبوون له‌و گرفتانه‌ و دابینکردنی ئاینده‌یه‌کی باشترمان له‌پێشه‌، ئه‌وه‌ش به‌ یه‌کڕیزی نێوماڵی کوردستان. له‌م روانگه‌یه‌وه‌، هیوادارم جه‌ژنی نه‌ورۆز ببێته‌ ئه‌و ده‌رفه‌ته‌ بۆ یه‌کڕیزی نێوان دڵسۆزان و تێکۆشه‌ران، له‌پێناو سه‌رخستنی ماف و داوا ره‌واکانی گه‌له‌که‌مان.

 

 

دووباره‌ جه‌ژنتان پیرۆز.

مه‌سرور بارزانی

راوێژكاری ئه‌نجوومه‌نی ئاسایشی هه‌رێمی كوردستان

٢٠ـی ئاداری ٢٠١٨

 

 

Qadirzada.com © 2018. All rights reserved