| ||
|
||
هێزەکانی ڕزگاریی عەفرین: لەشەهبا ٢٢ داگیرکەر کوژران
ناوەندی هەواڵ
هێزەکانی ڕزگاریی عەفرین، لەبەیاننامەیەکدا ڕایگەیاند، لەئەنجامی وەڵامدانەوەی هێرشەکانی سوپای داگیرکەری تورک و چەتەکانیدا، لەهەردوو گوندی تل ریحال و گرێ رادار-ی سەر بە ناوچەی شەهبا سێ شەڕڤان شەهید بوون و ٢٢ داگیرکەریش کوژراون.
دەقی بەیاننامەکەی هێزەکانی ڕزگاری عەفرین:
"لە یەکی شوباتدا، سوپای داگیرکەری دەوڵەتی تورک و گروپە چەتەکانی سوڵتان موراد و بەرەی ئەلشامییە و ئەحرار ئەلشام بە چەکی قورس، هێرشیان کردە سەر دەروبەری گوندەکانی تل ریحال و گرێ راداری سەر بە هەرێمی شەهبا، لەئەنجامی وەڵامدانەوەماندا شەڕ و پێکدادان ڕوویدا و هێرشی داگیرکەران تێکشکێنرا، بەو هۆیەوە ٢٢ چەتەی داگیرکەر کوژران و زیاتر لە ١٠ چەتەی دیکەش بریندار بوون، هاوکات دەست بەسەر دوو چەکی جۆری AK-47 و چەندین فیشەکدا گیرا، هەروەها لەئەنجامی ئەو بەرگرییەدا، سێ لە شەڕڤانانمان شەهید بوون.
هەمان ڕۆژ سوپای داگیرکەر گوندەکانی ناوچەی شەڕا، شێراوا و هەرێمی شەهبای بە سەختی تۆپباران کرد، هاوکات فڕین و جموجوڵی فڕۆکەی کەشفیش بەسەر ناوچەکەدا بەردەوامە.
لەم قۆناغەدا کە دەوڵەتی داگیرکەری تورک لەهەموو لایەکەوە هێرشەکانی خۆی بۆ سەر خاکی ڕۆژئاوای کوردستان و باکوری سوریا توندتر کردووەتەوە، هەر یەک لە هەڤاڵانمان دڵپاک عەفرین، نەمر عەفرین و باکور عەفرین بە خۆڕاگرییەکی بێوێنەوە جەنگان و شەهید بوون.
هەڤاڵ دڵپاک لەئەرک و بەرپرسیاریەتی ڕاستەقینە تێگەیشتبوو و دواجاریش وەکو فەرماندەیەک ئەرکدار کرابوو، هەڤاڵێکی عەرەب بوو، لەسەرەتای شۆڕشی ڕۆژئاواوە تا ئێستا لەچەندین هێرشدا جێی خۆی گرت، بەو هەڵوێستەی خۆی، هیچ کات لە بەرامبەر داگیرکەران هەنگاوی بۆ دواوە نەنا و لەسەر شێوازی فەرماندەیەکی سەردەم، پێشەنگایەتی کرد.
هەڤاڵ نەمر و هەڤاڵ باکوریش بڕیاری خۆیان لەسەر هێڵی فیدایی و ئازادیی، بەپێی جەنگی سەردەم دابوو و خۆیان بەم بڕوایەوە ئامادە کردبوو، هەڤاڵ نەمر وەکو فەرماندەیەک ئەرکەکانی جێبەجێکرد، بەفیداکاری و بڕیارەوە هەمیشە بۆ هەڤاڵانی دەبووە سەرچاوەی هێز و مۆڕاڵ.
هەڤاڵ باکوریش بەو هەڵوێستەی هەیبوو، لەبەرامبەر داگیرکەران تا دوا فیشەکەکانی شەڕیکرد و دواجار گەیشتە ئاستی شەهیدبوون.
ئێمە وەکو هێزەکانی ڕزگاریی عەفرین لەکەسایەتی هەڤاڵانمان دڵپاک عەفرین، نەمر عەفرین و باکور عەفریندا، گشت شەهیدانمان بەبیر دەهێنینەوە و بەڵێنمان دووپات دەکەینەوە بۆ بەرز ڕاگرتنی تێکۆشانی دژی داگیرکەران.
ناسنامەی شەهیدانمان بەم شێوەیەیە:
نازناو:دڵپاک عەفرین ناوی تەواو:ئەسەد محمد ناوی دایک:سعاد ناوی باوک:خالد شوێنی لەدایکبوون:عەفرین شوێن وبەرواری شەهیدبوون: شەهبا – گرێ رادار- یەکی شوباتی ٢٠٢٠
نازناو:نەمر عەفرین ناوی تەواو:نیهاد محمد ناوی دایک:ئەلیف ناوی باوک:محمد شوێنی لەدایکبوون:حەلەب شوێن وبەرواری شەهیدبوون:شەهبا – گرێ رادار- یەکی شوباتی ٢٠٢٠
نازناو: باکور عەفرین ناوی تەواو:عومەر عسمان ناوی دایک:سوهام ناوی باوک: سوبحی شوێنی لەدایکبوون: حەلەب شوێن وبەرواری شەهیدبوون:شەهبا – گرێ رادار- یەکی شوباتی ٢٠٢٠
|
||
Qadirzada.com ©2009 - 2020. All rights reserved
| ||