محه‌مه‌دی حاجی مه‌حمود: ململانێی سیاسی و حزبی دوژمنی پەلکێشی کەرکوک کرد

 

محه‌مه‌دی حاجی مه‌حمود، سكرتێری حزبی سۆسیالیست دیموكراتی كوردستان په‌یامێكی له‌سه‌ر دۆخی كه‌ركوك بڵاوكرده‌وه‌

 

ئەوەی کەنەدەبوو رووبدات لە 16ی تشرینی یه‌كه‌می 2017، بەداخەوە لە شاری کەرکوکدا روویداو کاریگەرێتی خراپی کردە سەردەسکەوتەکانی گەلەکەمان کەبەدێژایی مێژووی سەدساڵی رابردوو گەلە سەربەرزەکەمان بەدەستی هێنابوو، واتە بە گیان فیداکاری و خەبات و تێکۆشانی بەردەوام و بەخۆێنی هەزاران رۆڵەی ئەم گەلە و بە خۆراگری گەلەکەمان لەبەردەم کۆمەڵ کوژی هێنراوەتەدی.

جەماوەری تێکۆشەری گەلەکەمان بە درێژایی بیست و شەش ساڵی رابردوو گەلەکەمان دەسکەوتی لەمێژینەی بۆ رەخسا و وەک پێویست نەیتوانی سودی لێوەربگرێت لە دوای ڕاپەرینی 1991ەوە دواتر دامەزراندنی پەرلەمان و حکومەتی هەرێمی کوردستان بەرێوەبردنی هەرێمی کوردستان تا رووخانی رژێمی بەعس لە2003دا، سەرکردایەتی سیاسی کورد ئەوکات دەبوو بیری لە دیاریکردنی سنووری کوردستان بکردایەتەوە، بەڵام لەبەر هەل و مەرجی ئەوکات فیدراڵیەتی بۆ ئەو قۆناغە بە دەسکەوتێکی تری گەلەکەمانی زانی، دوای سەرهەڵدانی داعش و داگیرکردنی پانتایەکی زۆری خاک و ناوچەی سنوریەکانی عیراق، هێزی پێشمەرگەی کوردستان بەگیانبازی خۆی ئەوناوچەکوردستانیانەی گرتەوە دەست.

بەڵام بەداخەو بەرچاو تەنگی و ململانێی نادرووستی حزبی و سیاس گەیشتە ئەو ئاستەی دوژمن پەلکێش بکرێت بۆ ناوشاری کەرکوک ئەوەی له سەدساڵی رابردوو بەدەستمان هێنابوو لەچەند ساتێکدا لەباربرا.

بەڵام ئێمە خەڵکی خۆڕاگری کوردستان دڵنیادەکەینەوە کە هێزی پێشمەرگەی کوردستان سوورە لەسەرداواڕەواکانی گەلەکەمان و بەردەوامە لەخەبات و تێکۆشان تا مافی چارەنووس وسەربەخۆیی کوردستان بەدەست دێت، هێزە عیراقیەکان بە چاودێری ئەمریکا و وڵاتانی ناوچەکە کەرکوکیان داگیر کردەوە بەڵام ناتوانن ئیرادەی پێشمەرگە و ویستی گەل داگیر بکەن، بۆیە پێشمەرگە هەمیشە زیندووەو بەردەوام دەبێت.

 

ئەو دەنگۆیانەش رەتدەکەینەوە کە پێیان وایە داگیرکردنی کەرکوک بەهۆی ئەنجامدانید ریفراندۆمەوە بوبێت بەڵکو پرۆسەی راپرسی کارێکی راست و دروست بوو لە کاتێکی گونجاو و شایستە دا ئەنجامدرا، ئەوەی جێی هەڵوێستە لەسەرکردنە ئەوەیە کە ئەو هێرشەی کرایە سەر شاری کەرکوک بەچەکی ئەمریکی و بەئاگاداری ئەمریکا ئەنجام درا.. بەڵام گەلی کورد بە دیرێژایی مێژوو سەر نەوی نەکردوە و مێژووش ئەو راستییەی سەلماندوە و رۆڵەکانی گەلەکەمان بەردەوام دەبن لە خەبات و تکۆشان، هاوکێشەی سیاسی لەناوچەکەدا بەجورێکی تر هەڵدەسوڕێ و دەبێت ئەمجارە سەرکردایەتی سیاسی کورد، سوود وەربگرێ لە معادلە نێودەوڵەتیەکاندا کە لەناوچەکەدا تۆختر دەبێتەوە و ئاسۆی سەربەخۆیی دێتەدی.

 

 

Qadirzada.com © 2017. All rights reserved