ئەنجومەنی مامۆستایانی گەرمیان ڕاگه‌یه‌ندراوێك بڵاوده‌كه‌نه‌وه‌

 

 

بۆ پشتیوانى خۆپیشانده‌كه‌ى دهۆك ئەنجومەنی مامۆستایانی گەرمیان ڕاگه‌یه‌ندراوێك بڵاوده‌كه‌نه‌وه‌

 

 

ئه‌مڕۆ یه‌ك شه‌ممه‌ ١٧ ئایاری ٢٠٢٠ ئەنجومەنی مامۆستایانی گەرمیان ڕاگەیەندراویکیان بڵاو کردەوە :

ئێمە وەکو مامۆستایان، دڵنیایی دەدەینە هەموو لایەک و بە دەسەڵاتدارانی ڕادەگەیەنین: بەهیچ شێوەیەک بە مووچەیەک ڕازی نابین و سارد نابینەوە، لە ئێستادا سەرباری جەختکردنەوە لە داوا ڕەواکانی پێشوومان؛ سورین لەسەر بایکۆتکردنی تاقیکردنەوەکان‌و ئەنجامدانی خۆپیشاندانی ناڕەزایی گەورە، لەبەرامبەر:

 

١-ئازادکردنی هاوپیشەکانمان لە بادینان و ڕاگرتنی ئەو بێحورمەتیەی بەرامبەریان دەکرێت.

٢- پێنەدانی مووچەو یاریکردن بە کات و شعووری مووچەخۆران.

٣- برسیکردنی موچەخۆری حەقیقی؛ لە پێناو بندیوار و دەست و پێوەندەکانیان.

 

هەروەها داوا لە هەموو مووچەخۆرانیش دەکەین، پاڵپشت و هاوکارمان بن، بۆ ڕیشەکێشکردنی ئەم گاڵتەجاڕییەی بە فەرمانبەران و مامۆستایان و کۆی خەڵکی کوردستان دەکرێت؛ لە لایەن دەستەوتاقمێکەوە، کە خۆیان فیرعەون‌‌ئاسا دەژین و ژیانی خەڵکیشیان خستۆتە ئەوپەڕی نەهامەتیی و ئازار

 

 

Qadirzada.com ©2009 - 2020. All rights reserved