ــــ چوار پارچەکەم ــــ

 

                             پێش موسڵمانى و زەردەشتم

                             کە چاوم هەڵ هێناوە کوردم

 

                             هەر لە کوردستانى باشور تا

                             ڕۆژ هەڵهاتى و ئاوا و باکورم

                            

                             کۆمانکاتەوە روحى نیشتمان

                             لەسایەى ئاڵاو زمانى خۆمان

 

                             بەڵکو ئاسودە بێ ئەم کوردان

                             بە ئەوینى ڕەنج و بەرخودان

 

                             بڕوا کەن ئێستا کە دەنووسم

                             پڕقورگم  فرمێسکە وعەشقم

                           

                             بۆ گشت شارەکانى کوردستانم

                             دیار بەکر و کۆمارى مەهابادم

 

                              پەشێوى کـوردستانى باشوورم

                              سلێمانى وکەرکوک و هەولێرم

 

                              بە گڕى بابا گووڕگووڕ پەناتـم

                             چـونکە موریدى عەشقى قڵاتـم

                                                                                            

                              لەشکر هەژێنە ورەى ڕۆژ ئاوام     

                              هێژاکۆبانێ مەقاوەمەتى رەوام

 

                               من عاشقى کوردستانى گەورەم

                               دیار بەکرمە پایتەختى کوردم

 

                               ئۆرمێ قڵاى بــەرزى میرنشینم

                               شارەزوورە خاکى ماڵات و پیتم

 

                               نەوەى گەرمیانە شێر ئاسەکەم

                               هەڵۆى بەرزفڕینە بادینانەکەم

 

                               یەکێتیمان لە دڵایە نەک زارمان

                              نەسرەوتن تا دەوڵەتى کوردستان 

 

                                                                                                                                                 

فاتیح صمد

 

Qadirzada.com © 2016. All rights reserved