ئاڵاکەم

سوێند بێ بە بەرزى ئاڵاکەم

تا لاشەم لە خوێنە سوور نەبێ

لە سەر ئەم شانە لات نادەم

هەر چەن تۆ شکاوەى و

ئەشنێیتەوە

من بە شانازیەوە باڵات پێ ئەکەم

ڕەنگ و رازاوە و جوانى

حەز و ئاواتى

هەمووانى

لە گۆڕەپانى جەنگا

ورەى پۆڵایینى پێشمەرگەى

هەر چوار پارچەى کوردستانى

لە ئاشتیدا

کۆترى سپی و

رەمزى بەرخودانى

نیشانەى گەلێکى ستەم دیدەی

بۆیە هەناسەى

گشت کوردانى

وشەکانم لە نێو دێرى شیعردا

هەرگیز ناتوانێ

پێناسەى تۆ بکا بە جوانى

دەست ئەخەمە سەر دڵم و

پێت دەڵێم تۆى

ئاسودەگەرى ڕۆحى شەهیدانى

 

 فاتیح صمد

 

Qadirzada.com © 2016. All rights reserved