سکڵی خوێن

* فاتیح سەلام *

 

 

لە کەناری شەوێکی چاوەروانیدا

سەرت لە کۆشی ئەندێشەو

ھەناسەت بە قەد گەڵاوە

ئاوبَتەی سەمفۆنیا و سۆزی

بناری حەزێ شێت دەبن

تەنیایی تۆ چەند دوژمنێکی

دڵرەقی

چەند حەسرەتێکی کوشندەی

لە خەندەی رووت دەکەیتەوە

ھەڵیدەکێشیت لە نزا

کاتێ خەونی کریستاڵی

وورد و خاش دەکەی یە ئەنقەس

باڵی فرینی دەبری

قومرییە رەنگاڵەی .. باخی من

٢

بەم زنارەدا تێپەرین

ھاژەی باڵی تەوارێک و

چاوی راستی قەرەوڵ و

سەنگەرێکی کەزییە گڤن

کە رێبەندان چاوی سپی خۆری رشت و

سنگت پر بوو لە جریوە

 ( شەوە یەڵدا ) لە پرمە و حیلەی

ئەسپێکدا

خۆرھەڵاتی لە سمکۆڵانیدا وون کرد

شێرە ژنی ووڵاتە من

٣

چراکان مەکۆژێنەوە

شەقامەکان جمەیان دێ لە تارمایی

دارستان و باڵندەی بێ نیشتمانا

بە ئەسپایی ھەنگاو بنێ

شوێن پێی ھەتاو کاژیان گرتووە

چاوی ئەستێرە تۆراوە

لە دوو ریانی شەققەی باڵی

تێرامان و .. راکشانا

٤

لەو دیوو تۆوە

چەپکێ تیشکی دزە کردووی

خۆر پێی ووتم :

ئەو ھەورێکی سەرەرۆیە و

نەزۆک بوونی لە چیرۆکی

رەگی ئاودا لێ دزرا

چاوەروانی نمەی لێ ناکات

پاساری

زەیسان داوێنی سوور ناکات

چلە بە خۆوە نابینێ

رەنگی خۆڵ گرتووی کەشیشی

رووی فێل و دەمامکداری

  

Qadirzada.com © 2009. All rights reserved