بۆ قاسملۆ

 

 

له‌ ئاوێنه‌ی باڵانۆمای نیشتمانی رێبه‌ندانا

 هه‌نگاوه‌كانی خۆر كۆت كه‌ و

خوێن به‌ په‌یژه‌ی ئازادیدا سه‌رخه‌ به‌ره‌و جه‌رگه‌ی خه‌بات

 كۆتره‌ باڵ خوێناوییه‌كان ، شه‌ققه‌ی فرینیان ون بووه‌ و

 له‌ سه‌رپه‌ری شاباڵه‌كانی قوڵایی ئه‌م ئاسمانه‌

 پۆل ، پۆل چاوی خۆڵرێژیان لێت ده‌روانن و

 به‌فرانبارێ

 له‌ گۆمه‌ خوێنێ ده‌گه‌رێن

 سێبه‌ری لووله‌ی تفه‌نگ و قرمه‌ی گولله‌ ده‌پێچنه‌وه‌ و

 سه‌ری بێ كه‌سی هه‌ڵده‌گرن

 ده‌گه‌نه‌ لات

 گه‌وره‌م رێبه‌ر و فه‌رهه‌نگی مانا جوانه‌كانی هه‌تاو

 له‌ نه‌مریته‌وه‌ تا نه‌خشه‌ی سه‌نگه‌رێكی پێچ و په‌نای

 ئه‌ك كوردستانه‌ بێ ره‌نگه‌

 گوڵه‌كان له‌ شكۆفه‌دان پرن له‌ شه‌وانی یه‌ڵدای

 به‌ر بروسكه‌ی نمه‌ی باران

 تا له‌ ناونیشانێ تازه‌ی هاتنه‌وه‌ی وه‌رزی ئاڵادا

 تۆ چراكان پێ كه‌یته‌وه‌ و

 پێمان بڵێی :

ئالێره‌وه‌ هه‌موو رچه‌ رێی و چوونه‌كان

 ده‌چنه‌وه‌ به‌ر ده‌رگا سووره‌كه‌ی نیشتمان

 

* فاتیح ســـــه‌لام *

 

Qadirzada.com © 2009 -2015. All rights reserved