| ||
|
||
ئەنجومەنی سیاسی یەكگرتووی ئیسلامیی كوردستان بەیاننامەیەكی بڵاوكردهوه
لهبارهی ڕووداوەكانی شەوی رابردوو ئەنجومەنی سیاسی یەكگرتووی ئیسلامیی كوردستان بەیاننامەیەكی بڵاوكردهوه .
دەقی بەیاننامەکە:
شاراوە نیە كە لەم ڕۆژانەدا باشووری كوردستان و ئەزموونە سیاسیەكەی بە هەل و مەرجێكی نەخوازراودا تێدەپەڕێت و ڕووبەڕووی چەندین مەترسی و هەڕەشەی ناوخۆیی و دەرەكی بۆتەوە..
لە دۆخیكی ئاوا هەستیارو ترسناك دا لە هەر كاتێكی تر زیاتر گەلەكەمان پێویستی بە یەكڕیزی و سەقامگیری ناوخۆیی هەیەو دەخوازێت كە هێزو لایەنە سیاسەكان بە گیانی لە خۆبوردوانەو بەرپرسیارانە مامەڵە لەگەڵ روداو و پێشهاتەكاندا بكەن و رێگا نەدەن بە ئەندام و لایەنگرانیان هەڵسوكەوتی نەشیاو و نادیموكراتیانە دژ بە یەكتر بكەن. لەو سۆنگەیەوە ئێمە لە یەكگرتووی ئیسلامیی كوردستان بە توندی ئیدانەی ئەو هەڵسوكەوتە ناشارستانیەی شەوی رابردووی ژمارەیەك كەسانی نامەسئول دژ بە حەرەمی پەرلەمان و دەزگاكانی راگەیاندن و هەڵكوتانە سەر بارەگای هەندێ لە حیزبە سیاسیەكان لە زاخۆو چەند شوێنێكی تر دەكەین و بە كاری تێكدەرانەو دژ بە ئاسایشی نیشتمانی دادەنێین. داواكارین هەرچی زووترە دەزگا بەرپرس و پەیوەندیدارەكان بكەران و بەرپرسانی راستەوخۆ لەو كارە نەخوازراوانە دەستگیر بكەن و بیاندەنە دادگاو رێگا لە تەشەنەكردنی زیاتری گرژی و ئاڵۆزیەكان بگرن.
ئەنجومەنی سیاسی یەكگرتووی ئیسلامیی كوردستان ٣٠/١٠/٢٠١٧
|
||
Qadirzada.com © 2017. All rights reserved
|
||