| ||
|
||
مەسعودبارزانی پەیامێك بڵاو دەکاتەوە
بەهۆی موشەك باران کردنی بارەگاکانی هەردوو حیزب لە کۆیە ،بارزانی پەیامێك بڵاو دەکاتەوە.
دەقی پەیامەکەی بارزانی: بەناوی خودای بەخشندە و میهرەبان
بە پەلاماری مووشەكی و بوردومانی كۆماری ئیسلامی ئێران بۆسەر بارەگاکانی هەردوو حیزبی دیموكرات لە شاری كۆیە زۆر نیگەران و خەمبارم بە تایبەت كە زیانێكی زۆری گیانی و ماددی بەجێهێشتووە. لە كاتێكدا كە ئیدانەی ئەو پەلامارە دەكەم، سەرەخۆشیی خۆم ئاراستەی كەسوكاری شەهیدانی ئەو پەلامارە دەكەم و هیوای چاكبوونەوە بۆ برینداران دەخوازم.
داوا لە هەموو لایەكیش دەكەم كە هەرێمی كوردستان نەكرێتە گۆڕەپانی ململانێ چونكە خودی هەرێم كێشە و تەحەددیات و هەڕەشەی گەورەی لەبەردەمە. بە پێویستیشی دەزانم ئەوە بە گشت لایەك ڕابگەیێنم كە كێشەی گەلی كورد بە توندوتیژی و كوشتن و بوردومان چارەسەر ناكرێت و ڕێگە و شێوازی ئاشتیانە باشترین چارەسەرە بۆ هەموو كێشەكان.
مەسعوود بارزانی
٨ی٩ی٢٠١٨
|
||
Qadirzada.com © 2018. All rights reserved
|
||